Am tag won i uf d Wält bi cho, si hei mers speter gseit,
Da het my Mueter grad deheim es Suppegschir verheit.
Und sider ischs mys Herte los bis a mys Läbesänd...
Alls wo mir id Finger chunnt verbricht mer i der Händ.
I cha mer Müe gäh win i wott, es nützt mer alles nüt,
Was geschter no isch ganz gsy, isch i tuusig Bitze hütt.
Die Schärbehüüfe won i hinderla, die rede Bänd...
Alls wo mir id Finger chunnt verbricht mer i der Händ.
I han emal es Meitschi gchennt, s'isch truurig aber wahr,
Es Meitschi ganz us Porzelan mit rabeschwarze Haar.
Uf einisch isch es zue mer cho, het gseit jitz isch es z Änd...
Alls wo mir id Finger chunnt verbricht mer i der Händ.
Und won i s du zum letschten Abschid a mys Härz ha trückt,
Da han i s z fescht umarmet und vor Liebi grad erstickt.
I has nid äxtra gmacht, dir chöit mer s gloube, sackermänt...
Alls wo mir id Finger chunnt verbricht mer i der Händ.
Si hei mi vor e Richter gstellt und hei mi geschter ghänkt,
Und won i scho bi ghanget, da uf ds mal, wär hätt das tänkt,
Da het dr Strick la gah im allerletschtischte Momänt...
Alls wo mir id Finger chunnt verbricht mer i der Händ.
Und sider blyben i Vagant und mache lieber nüt,
Dir wärdet das begryffe, drum syt güetig, liebi Lüt,
Und gryffet ou i ds Portmonee und gäht e mildi Spänd...
Alls wo mir id Finger chunnt verbricht mer i der Händ.
Da het my Mueter grad deheim es Suppegschir verheit.
Und sider ischs mys Herte los bis a mys Läbesänd...
Alls wo mir id Finger chunnt verbricht mer i der Händ.
I cha mer Müe gäh win i wott, es nützt mer alles nüt,
Was geschter no isch ganz gsy, isch i tuusig Bitze hütt.
Die Schärbehüüfe won i hinderla, die rede Bänd...
Alls wo mir id Finger chunnt verbricht mer i der Händ.
I han emal es Meitschi gchennt, s'isch truurig aber wahr,
Es Meitschi ganz us Porzelan mit rabeschwarze Haar.
Uf einisch isch es zue mer cho, het gseit jitz isch es z Änd...
Alls wo mir id Finger chunnt verbricht mer i der Händ.
Und won i s du zum letschten Abschid a mys Härz ha trückt,
Da han i s z fescht umarmet und vor Liebi grad erstickt.
I has nid äxtra gmacht, dir chöit mer s gloube, sackermänt...
Alls wo mir id Finger chunnt verbricht mer i der Händ.
Si hei mi vor e Richter gstellt und hei mi geschter ghänkt,
Und won i scho bi ghanget, da uf ds mal, wär hätt das tänkt,
Da het dr Strick la gah im allerletschtischte Momänt...
Alls wo mir id Finger chunnt verbricht mer i der Händ.
Und sider blyben i Vagant und mache lieber nüt,
Dir wärdet das begryffe, drum syt güetig, liebi Lüt,
Und gryffet ou i ds Portmonee und gäht e mildi Spänd...
Alls wo mir id Finger chunnt verbricht mer i der Händ.
×
Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.