Language   

ہم دیکھیں گے­

Faiz Ahmad Faiz / فَیض احمد فَیض
Language: Urdu



ہم دیکھیں گے­ [1]

ہم دیکھیں گے­
لازم ہے کہ ہم بھی دیکھیں گے
ہم دیکھیں گے­
وہ دن کہ جس کا وعدہ ہے
جو لوح ازل میں لکھا ہے

جب ظلم و ستم کے کوہ گراں
روئی کی طرح اڑ جائیں گے
ہم محکوموں کے پاؤں تلے
جب دھرتی دھڑ دھڑ دھڑکے گی
اور اہل حکم کے سر اوپر
جب بجلی کڑ کڑ کڑکے گی

ہم دیکھیں گے­

جب ارض خدا کے کعبے سے
سب بت اٹھوائے جائیں گے
ہم اہل صفا مردود حرم
مسند پہ بٹھائے جائیں گے
سب تاج اچھالے جائیں گے
سب تخت گرائے جائیں گے

ہم دیکھیں گے­

بس نام رہے گا اللہ کا
جو غائب بھی ہے حاضر بھی
جو منظر بھی ہے ناظر بھی
اٹھے گا انا الحق کا نعرہ
جو میں بھی ہوں اور تم بھی ہو
اور راج کرے گی خلق خدا
جو میں بھی ہوں اور تم بھی ہو

ہم دیکھیں گے­
لازم ہے کہ ہم بھی دیکھیں گے
ہم دیکھیں گے
[1] ham dekheṁge
lāzim hai ki ham bhī dekheṁge
ham dekheṁge
vo din ki jis kā vaada hai
jo lauh-e-azal meṁ likhkhā hai

jab zulm-o-sitam ke koh-e-girāṁ
ruuī kī tarah uḑ jāeṁge
ham mahkūmoṁ ke pāṁv-tale
jab dhartī dhaḍ-dhaḍ dhaḍkegī
aur ahl-e-hakam ke sar-ūpar
jab bijlī kaḍ-kaḍ kaḍkegī

ham dekheṁge

jab arz-e-ḳhudā ke kaabe se
sab but uṭhvāe jāeṁge
ham ahl-e-safā mardūd-e-haram
masnad pe biṭhāe jāeṁge
sab taaj uchhāle jāeṁge
sab taḳht girāe jāeṁge

ham dekheṁge

bas naam rahegā allāh kā
jo ġhāeb bhī hai hāzir bhī
jo manzar bhī hai nāzir bhī
uṭṭhegā anal-haq kā naara
jo maiṁ bhī huuṁ aur tum bhī ho
aur raaj karegī ḳhalq-e-ḳhudā
jo maiṁ bhī huuṁ aur tum bhī ho

ham dekheṁge
lāzim hai ki ham bhī dekheṁge
ham dekheṁge


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org