Ballade LXIV: Au jour d'ui veult chascun guerre mener
Eustache DeschampsLanguage: French, Old (842-ca.1400)
Au jour d'ui veult chascun guerre mener
Et poursuit, pour avoir renommee.
Mais maint le font qui droit se vont dampner,
Quant ilz ne font justement leur armee
Sur ceuls qu'on doit, et qu'ilz aient souldee
Dont ilz puissent contentéz estre tuit.
Serve homs au sien et voist a son aree.
Il se dampne qui telle guerre suit.
Or est li temps qu'om ne fait que mander,
Mais li mandéz destruisent leur contree,
Prannent, pillent quanqu'ilz puelent trouver,
Sanz riens paier. L'eglise est violee,
Mainte chose est chascun jour ransonnee,
Et l'un pais l'autre voisin destruit.
Dieulx ! quelle honeur en deshoneur tournee !
Il se dampne qui telle guerre suit.
Telz gens se font gens d'armes appeler :
Trois lieues vont, c'est leur plus grant journee.
Comme ennemi s'en courent hosteller.
Chambre, huche n'y a, tant soit fermee,
Qu'ilz ne rompent : vez ci [la] noble armee,
Quant pour telz gens li povres peuples fuit
Qui ne scet mais ou Justice est alee !
Il se dampne qui telle guerre suit.
Princes qui d'or a teste couronnee
A ses subgiz ne doit soufrir tel bruit,
Mais doit vouloir justice estre gardee :
Il se dampne qui telle guerre suit.
Et poursuit, pour avoir renommee.
Mais maint le font qui droit se vont dampner,
Quant ilz ne font justement leur armee
Sur ceuls qu'on doit, et qu'ilz aient souldee
Dont ilz puissent contentéz estre tuit.
Serve homs au sien et voist a son aree.
Il se dampne qui telle guerre suit.
Or est li temps qu'om ne fait que mander,
Mais li mandéz destruisent leur contree,
Prannent, pillent quanqu'ilz puelent trouver,
Sanz riens paier. L'eglise est violee,
Mainte chose est chascun jour ransonnee,
Et l'un pais l'autre voisin destruit.
Dieulx ! quelle honeur en deshoneur tournee !
Il se dampne qui telle guerre suit.
Telz gens se font gens d'armes appeler :
Trois lieues vont, c'est leur plus grant journee.
Comme ennemi s'en courent hosteller.
Chambre, huche n'y a, tant soit fermee,
Qu'ilz ne rompent : vez ci [la] noble armee,
Quant pour telz gens li povres peuples fuit
Qui ne scet mais ou Justice est alee !
Il se dampne qui telle guerre suit.
L'envoy
Princes qui d'or a teste couronnee
A ses subgiz ne doit soufrir tel bruit,
Mais doit vouloir justice estre gardee :
Il se dampne qui telle guerre suit.
×
![]()
Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.
