Language   

Di u populu

Canta u Populu Corsu
Language: Corsican


Related Songs

10.1.80
(Tavagna)
Lettera di u prigiuneru
(Canta u Populu Corsu)
Chanson pour Yvan Colonna
(Anonymous)


[2013]

1973-2013 Altri Menti



Parolle: Ghjuvan' Federicu Terrazzoni
Musica: Jean-do Leca
Sentu batta i rimori
D’un’ arietta vagabonda,
Chì galoppa è adonda
D’aligria u me cori,
Vuchendu nantu à l’onda
Di riacquisti valori.

Di un versu naturali
Sentu voci muntagnoli,
Innorà più chè lu soli
A bandera naziunali,
È purghjendu à chì voli
A mimoria di Natali.

Sentu a forza tamanta
Di un stintu mai domu,
Nantu à a strada di l’omu
Dapò l’annati sittanta,
Chì sempri porta lu nomu
Di u populu chì canta.

Sentu l’estru è a fedi
D’anfarti è paghjellaghji,
Intriccià middi viaghji
Versu l’andati ribeddi,
Da tramandà i missaghji
Di l’eterni sintineddi.

Dopu à quaranta brani
Sentu l’ardenti prigheri,
D’ùn veda piantà i sfieri
Di quissi sunnii arcani,
Ma essa i cumpagneri
D’eri oghji è dumani.

Contributed by adriana - 2014/1/1 - 15:03



Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org