Lingua   

Quatr'asüs par l'Ardizôn

Collettivo Ticino Riva Sinistra
Lingua: Italiano (Lombardo Milanese)



Ŝgiügatôn d'un ventasel
pèrz'in trüscia a fa il püèl
rènt'ai sôchi di tusânn
c'ai gipìsan me giavânn

Ventasel s'te ghe stê
g'a sarîa bèn ôl'mistê
föeravia di sciancâ röes
d'ul fa dâgn dènt'in di pröes

Gh'e bisuĝn da öen me ti
lìbar d'il zo fa e'l zo dî
nuta gôss cûa o bugnôn
'nvèr Partîi Prèti e Padrôn

Vöen che a nom da tül nöen
mal in buca cun nisöen
quatr'asüs pa'n pôr matài
'l g'abia a dî sèn'riŝc da guai

Quatr'asüs par l'Ardizôn
sto mortu trài'nd'un cantôn
giò da birl'a driza e manzina
a chi l'Idea ga impîs la tazina

Da famiglia sü
drüi me l'aî l'a'urzü pü
müscia i baüsĉ cun sciuri e driti
e al z'î scirâa cui por puariti

'nd'il zò coô da lü
nè fâm nè guèr g'an duêa'vès pü
pü da sèrvi e sfrütadur
pü balusâdi nè camûr

Tül fradîi cumpâgn
e via quî mèrdi muntâa in scrâgn
un mondu metu e püsê bèl
diulamadona g'an fai la pèl

Gh'ên pensâa i pulizài
por cristi an'lur da pôc' pispài
cunt'na gìp g'ân fiombâa adòss
gh'ên sĝigutâa pulida i oss

Vintisèti utubar
milanöecènsesantadü
'nsü'na piaza de Milan
"capitale morale" da nöen tagliân

Ventasel che i fiur di sciês
te ve a scialâi 'nsül Vilures
sàlvan vöen par l'Ardizôn
fiur an'lü stripâa in giutôn

Quân te riprèndarê
a cûr il mondu 'nânzi e 'ndrê
dìgal a tüti che il Putèntaâ
d'un ôltar zangui a ze imbratâa

E a tül quî maramân
lì par la mica a fa i rufiân
dîg' che i öegi di nôs spûs
'ndè'i lacrimogiân în ôlt' pititûs

E ma l'e coldu il manên
d'un bucieta trâi in gingên
quân che in piaza i nôs rasôn
sa scôntran cun füm e bastôn

Ventasel fa cur i vûs
che a füria da sumenâ crûs
s'a finìs cunt'il raghöei
rosĉ d'urtighi e pügn da löei

Ma 'ürêmas bèn da cristiân
sa'öerum no pèrdi il patân
quân che quî dopo n'è nöen
dumandaràn cume mai vöen

'n fiöe da la lege me l'Ardizôn
'l zia restaâ öen e no miliôn...


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org