Lingua   

Bum Bum

Almamegretta
Lingua: Napoletano


Ti può interessare anche...

Crucifixus
(Enzo Avitabile)
Scioscie viento
(Almamegretta)
Eleonora
(Eugenio Bennato)


[2008]
Album "Vulgus"
almamegretta vulgus

Una "spoken-song in dub" affidata al grande drammaturgo, attore e scrittore napoletano Peppe Lanzetta.

Peppe Lanzetta
… Ma addo’ sta’ ‘a felicità
è asciuta ‘na lenza ‘e sole eppure ‘o munno fa bum bum
je sparo a te, tu spare a me, m’aggio jucato ‘na bulletta pe’ nun ce pensa’
stute ‘a televisione, manneme tre messaggi, ajzeme nu poco ‘a terra
quanti guagliune se fanno zumpa’ ‘e n’aria
sta cantanno nu muezzin mmiezo ‘a ferrovia, areto Damasco
‘a Siria è luntana, le brucia ‘o fronte, ‘o munno fa bum bum
‘a zia Titina ha miso a fa’ ‘o ragù ma Eduardo nun ce abbasta cchiù…

‘a storia se ripete, ‘o munno fa bum bum
‘a storia se ripete…

‘o Medio Oriente sta ‘ncazzato, ‘o zio Totore s’è ‘nzamato
‘o fuoco appiccia pure ‘e pensieri eppure je vulesse sape’ addo’ sta’ ‘a felicità?
‘a Russia nun me da’ ‘o gas, a machina nun parte, si passe’sta vernata ‘o core s’è gelato
arrivano gli immigrati, nun porteno ‘a moneta, teneno famme peggio ‘e me,
nu panino cu ‘o Kebab, ‘a striscia ‘e Gaza nun trove pace
e intanto ‘a zia Titina pure stamattina se fa ‘a croce

‘a storia se ripete, ‘o munno fa bum bum
‘a storia se ripete, ‘o munno fa bum bum, ‘a storia se ripete

‘e libri l’avimmo chiuse e comme se adda’ fa?
anema nera anema sporca, anema accisa te sta chiuvenno ‘capo eppure nun t’arrepare
je stongo a sotto, tu stive a coppo, steve primm’io… no ce stev’io, lieve ‘e mmane,
miette ‘e mmane, saglie ca’ se mange, ‘a zia ha vuttato ‘a pasta, ‘o munno tene famme,
so’ carne e maccarune, ma addo’ sta’ ‘a felicità?

‘a storia se ripete, ‘o munno fa bum bum

tu te sballi, je m’accido, ‘o medioriente s’arruvina, l’Imam parla ‘e civiltà
aggio perzo ‘o totocalcio, nun saccio chello che aggio fa’
‘a zia Titina ha cacciato ‘e paste ma nisciune ride cchiù
l’Afghanistan sta tutto fatto, ‘o Kossovo è scuppiato, comme so’ brutte ‘sti pensieri

‘a storia se ripete, ‘o munno fa bum bum
‘o munno fa bum bum

inviata da Alessandro - 21/2/2010 - 00:01



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org