'A mugliera 'e Masaniello
Ferdinando RussoOriginale | Versione italiana / Italian version / Version italienne / Italiankielinen... |
'A MUGLIERA 'E MASANIELLO | La moglie di Masaniello |
So' turnate li Spagnuole, | Gli Spagnoli son tornati |
è fernuta 'a zezzenella; | e finì la vita bella; |
comme chiagneno 'e ffigliole | versan pianti desolati |
fora 'a via d' 'a Marenella! | le ragazze a Marinella! |
'A Riggina 'e ll'otto juorne | D’otto giorno la regina |
s'è arredotta a ffa' 'a vaiassa; | (s’è imbrogliata la matassa) |
so turnate li taluorne, | finì a fare la sgualdrina |
'ncopp' 'e frutte torna 'a tassa! | Sui frutti torna la tassa. |
Chella vesta, tuttaquanta | Quella veste era dorata |
d'oro e argiento arricamata, | e d’argento ricamata |
ll'ha cagnata sta Rignanta | La Regina l’ha cambiata |
cu na vesta spetacciata. | con un'altra sbrindellata. |
'A curona 'e filigrana | La corona a filigrana |
mo ched'è? Curona 'e spine! | è corona ora di spini; |
'E zecchine d' 'a cullana | gli zecchini alla collana |
mo nun songo cchiù zecchine! | or non sono più zecchini! |
Li Spagnuole so' turnate | Gli Spagnoli son tornati, |
chiù guappune e preputiente | più smargiassi e prepotenti, |
e mo' a chiammano, 'e suldate, | e or la chiamano, i soldati, |
a Riggina d' 'e pezziente! | la regina dei pezzenti. |
E lle danno 'a vuttatella, | E le dan la spintarella, |
e lle diceno' a parola, | e le toccano la gola |
e lle tirano 'a vunnella... | e le tiran la gonnella; |
Essa chiagne, sola sola. | Ella piange, sola sola. |
Pane niro e chianto amaro, | Pane nero e pianto amaro |
chianto amaro e pane niro | pianto amaro e niente sfizio |
vanno a ccocchia e fanno 'o paro | vanno in coppia, sia ben chiaro, |
comm' 'e muonece a Retiro. | come i monaci all’Ospizio. |
Da Palazzo essa è passata | Dal Palazzo ella è passata |
dint' 'o Bbuorgo e venne ammore; | dentro il Borgo e vende amore |
tene 'a mala annummenata, | è una donna malfamata |
ma nu schianto mmiez' 'o core! | ma una piaga porta in cuore. |
Dint' 'o vascio d' 'a scasata | Nel suo basso, sventurata, |
mo nce passa o riggimento; | ora passa il reggimento; |
'a furtuna ll'ha lassata | la fortuna l’ha lasciata |
e le scioscia malu viento. | e le soffia un brutto vento. |
Se facette accussì lota, | Tanto è sporca ed affamata, |
morta 'e famma e de fraggiello, | per gli stenti quasi a morte |
chella llà ch'era na vota | lei che una volta era stata |
'a mugliera 'e Masaniello! | di Masaniello consorte |