Lingua   

Resistensa

Alessandro Sipolo
Lingua: Italiano (Lombardo bresciano)


Alessandro Sipolo

Ti può interessare anche...

La Giulia
(Nuovo Canzoniere Bresciano)
Sùra el Pont de Dragòti
(Charlie Cinelli)
'Na guera
(Nuovo Canzoniere Bresciano)


2013
Eppur bisogna andare
E la dorma 'n de la sera
la montagna e i so' segrécc
com'en fiur de primaèra
töt scundìt sota la néf
le fa sito po' a le pèste
sparnegade 're ai sìnter
'ndoe che la tera la profuma amò
del sanch dei scecc de jer
E la dorma la memoria
sota al gran bordèl d’encö
nele stanse de la storia
sa desmentega de töt
tropp de lonss l'è la miseria
e la pora e la fam düra
quand che la mort la ghera 'n nom
la se ciamàa dittatura
Cöntem so' alura 'n po tè
partigian col gropp en gola
che dirè a 'n bicer de ross
ta ma 'nsegnet piö che a scöla
chel che l'era la montagna
scarpe rote, sciop en ma'
per tirà 'nsema l'Italia
obligat po' te a copà
“L'era grama là la eta
con el frett déter nei oss
e nel cör una ferida
piö profonda de la not
sa 'nsomiaa la nostra tera
el pa' calt, la fomna en bras
e finì st' ostia de guera
per negà sot'ai so' bas
Quand che 'nvece l'otra zét
per le strade 'nsomeaa cioca
mucelada 'ndel piazàl
batia le ma', dervia la boca
a 'scultà 'l so ditatur
che de guera 'l ghera oia
bogia piena e vistit scür
el culur de töcc i boia
E i ga dit che gom ensìt
che ga ensìt la libertà
però chel che gom pirdit
ie i compagn ch'ie piö turnacc
chei che ga lasat söl mut
el sancc fresc dei so' vint agn
e 'l basì de da' a la mama,
e 'n dumà ch' egnerà mai
La ve' so amò 'n otra sera
coi so' udur e 'l so' vent fresch
sofia so la me' bandera
e 'l ma dis pianì a l'orecc
chesta che l'è mia 'na fola
che i ma cünta quater vecc
resistensa l'è 'l culur
che ga 'i öcc dei noster scecc
resistensa l'è 'l culur
che ga 'i öcc dei noster scecc

inviata da Dq82 - 22/3/2018 - 11:49




Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org