Lingua   

Novumunnu

Mario Incudine
Lingua: Siciliano



Portami a stu Novu Munnu
navi china di sogni
ca nsegui furtuna
sciatu d'America portami ddà.

Stringimi forti li mani
taliami 'nfunno a lu cori
ca nun sentu cchiù scantu
di stu novu munnu
si partu ccu ttia.

Pensami matri e prega ppi mia
figghiu ca non torna cchiù
sciatu d'America sciuscia ppi mia
stidduzza addunami a via.

Lassu sta terra di sali
di suspiri e di sciuri
portami a stu Novu Munnu
sciatu d'America portami ddà.

Va pinzeru luntanu di tia
terra di sali e di lumia
sciatu d'America sciuscia ppi mia
lassu di lacrimi scia

Portami a stu Novu Munnu
navi china di sogni
di spiranza e furtuna
sciatu d'America portami ddà

fino a stu Novu Munnu
sciatu d'America di libertà.


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org