Lingua   

Vittoriu Emanueli

Mario Incudine
Lingua: Siciliano



"Sintiti, sintiti!
Ascutati, ascutati!
Ora ca vinni lu misi di maggio, vannu dicennu ca la leva è vera!
Giuvini e picciotti a Turinu vi n'a'ti a ghiri
e n'autri sitt'anni ci vonnu pi turnari..
Vulemu a Garibbardi? Ma senza la leva!
E s'iđđu metti la leva canciamu la bannèra!"

[Coro:]
Vittoriu Emanueli chi facisti? La megghiu giuventù ti la pigghiàsti
– Ti la purtasti luntanu đđa a Turinu
Vittoriu Emanueli, l'assassinu!
Vittoriu Emanueli, l'assassinu!

A Turinu n'aspetta lu suvranu
facemu li sett'anni e poi vinemu
quantu è cchiù tintu si nni maritàmu
cu 'na magghia a li peri sempri semu..

Ah quanta petri ci vonnu a fari un ponti,
quanta peni si pati pi 'n'amanti
Vittoriu Emanueli, chi facisti?
La megghiu giuventù ti la pigghiàsti..

[Coro:]
Vittoriu Emanueli chi facisti? La megghiu giuventù ti la pigghiàsti
– Ti la purtasti luntanu đđa a Turinu
Vittoriu Emanueli, l’assassinu!
Vittoriu Emanueli, l’assassinu!

Ah l'amaru ju ca nun era 'mparatu..
prima era monacu, e ora surdàtu..
Prima era monacu di lu cummentu,
ora, surdàtu di lu reggimentu..
prima era monacu e astutàva cannili
ora surdàtu.. e portu lu fucili..
Basta! Lassamu jiri, jemu avanti
ca ni stamu 'mrugghiannu veramenti
l'occhi su chini e la panza vacanti
e cu lli manu munnamu li denti
Stamu arristannu comu l'armi santi
nuri 'mmenzu a lu focu e penitenti
e c'è di luntanu cu nni fa la cucca
ca cogghi tutti 'i cosi e si l'ammucca!

Picciotti di Ribera c'a'mu 'a diri?
E cu 'sta liggi chi cosa avemu 'a fari?
Tutti surdati nni nn'avemu 'a ghiri,
li schettuliđđi suli a'mu 'a lassàri?
Iđđi d'appressu nni vonnu vinìri,
l'amuri nostru 'un sî ponnu scurdari
o ti lu dicu o ti lu mannu a diri
n'autri sett'anni ci vonnu pi turnari,
e ti lu dicu e ti lu mannu a diri,
n'autri sett'anni ci vonnu pi turnari..

[Coro:]
Vittoriu Emanueli chi facisti? L'amanti che era miu ti lu pigghiàsti –
Ti lu purtasti đđa 'n capu a Turinu
Vittoriu Emanueli, l'assassinu!
Vittoriu Emanueli, l'assassinu!
[x2]


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org