Lingua   

Lu cantu senza cantu

Insegnanti di Capo d'Orlando
Lingua: Siciliano



Ti può interessare anche...

Time for Asking Why
(Tommy Sands)
Salina
(Mario Incudine)


Ballata sul gravissimo attentato terroristico compiuto a New York il giorno 11 settembre 2001, scritta dalle insegnanti del "I Istituto comprensivo Giuseppe Tomasi di Lampedusa" di Capo d'Orlando (Messina), tra settembre e ottobre 2001, durante un corso d'aggiornamento sperimentale tenuto da Mauro Geraci.
Chistu è un cantu senza cantu,
senza vuci e nè cunsoli,
lu silenziu nni fa mantu
e nni 'stuta li paroli.

Surdu e mutu è lu lamentu
di la genti amiricana,
cu lu fumu d' 'u cimentu
nta lu cielu si nn'acchiana.

Nta lu cielu d'unni prima
quattru aerei addiruttaru
e li turri di Manhattan
ddu' tabbuti addivintaru.

Picchì genti tirrurista
cu la morti a li cirveddi
nta l'aereu supra 'a pista
acchianaru ch' 'i cuteddi.

Pi pigghiari lu cumannu
li piloti iddi scannaru,
li cristiani non lu sannu
ca na bumma addivintaru.

"Prontu, prontu caru amuri,
t'haiu a diri chi non tornu,
iu t'abbrazzu cu duluri
ca la morti c'è cca 'ntornu".

Dintra l'occhi e nta la menti
li ricordi ci scurreru,
poi lu schiantu: tutti morti
senza ciuri e cimiteru.

Prima 'u bottu e poi lu focu
c'è cu scappa e cu talia,
jsa l'occhi e vidi pocu
ca l'America fumia.

Nta li torri ancora addritta
surci sunnu li cristiani
'mmenzu a tutta dda minnitta
si jettaru senza ali.

Oh America mischina
nni parevi na putenza,
ora chianci a testa china
li to morti pi viulenza.

Pari un film di fantascienza
comu chiddi amiricani
ma 'u riggista già si pensa
è 'u tirannu di l'afgani.

Bin Laden è prutettu
di sti saggi talibani
chi non sannu chi Maumettu
s'abbrazzava li cristiani.

E la guerra non è santa
porta sulu distruzioni
ca lu sangu chi svacanta
non ci nn'havi distinzioni.

"Unni jti, chi faciti?"
puru u Papa nni dumanna,
"ca la guerra, non sapiti,
li 'nnuccenti a morti manna".

Unni jti, chi faciti,
chi faciti, unni jti,
unni jti, chi faciti,
unni jti, non sapiti!"

16/8/2005 - 17:14




Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org