Cantata cuntra la mafia
Ignazio ButtittaOriginale | La versione di Ciccio Busacca, anche questa ripresa da Cultura... |
CANTATA CUNTRA LA MAFIA La mafia non è la peste, non è la carestia e nemmeno la guerra; ma come la carestia, la peste e la guerra, fa danni e semina morte. Sicilia e mafia sunnu du' cosi lu stissi comu diri spini e rosi; du' cosi diffirenti pi natura la mafia feti, e la Sicilia odura! Li mafiosi un su' siciliani sunnu razza bastarda comu i cani non sunnu nostri amici e nè parenti e in comuni non avemu nenti. L'amici di la mafia su' certuni all'apparenza nobili persuni divoti di la fidi e di li santi cu funzioni e ncarichi mpurtanti ed hannu a Roma - evviva a capitali! - sede fissa e quartiere generale. Su' seculi c'ammolanu i scagghiuna la mafia ngrassa e vuncia li primula si mudirnizza, allarga li so riti diventa dirigenti di partiti. Tutti l'appalti e li cuncissioni la mafia l'amministra e nni disponi la mafia arrobba, la mafia siggi la mafia suttametti a la so liggi. La liggi di la mafia è la lupara e a cu non piaci, la mafia ci spara cu vidi e sapi, si non fa lu mutu s'accatta a fossa e s'accatta u tabbutu. P'amuri di la vita ognuno taci e supporta la mafia in santa paci non è omertà, non è vigliaccheria si l'omu onestu un havi garanzia. Lu mafiusu è garintutu e sapi ca quannu ammazza currinu i so capi i prutittura, li suttamarini complici ed alliati a l'assassini ca càncianu li carti e tempu un nenti e l'assassinu diventa nnuccenti. Sempre assolti: assolti per insufficienza di prove. I cartellini pinali parranu! Dici la mafia, si niscemu assolti megghiu ammazzari e siminari morti turnumu chiù rimuti a li paisi viva la mafia e li corti d'Assisi! Tornanu chiù timuti, si capisci la fama avanza e lu prestigiu crisci e la patente di “Coppula Torta” comu un trofeu davanti la porta. E nni li chiazzi - nsignu di rispettu - passìanu cu lu sinnacu a brazzettu e li parrini, pi fàrisi onuri amici si ci fannu e cunfessuri li fannu capi di lu cumitatu e cunfunninu Cristu cu Pilatu. Doppu tant'anni di sangu a timpesta ora u guvernu dicisi l'Inchiesta però sapemu li siciliani ca è na farsa, e cani un mancia cani e finirà ad opira di pupi! Certu, c'avi a finiri ad opira di pupi si nna "Commissione d'Inchiesta" hannu a maggioranza i diputati e i sinatura mafiosi. Ma i siciliani chi vonnu? Vonnu ca la radica si tagghia la radica, lu zuccu e la ramagghia chi l'assassinu u chiamami assassinu e u galantomu onesto citatine e chi a mafia e i so amici putenti si chiamassiru latri e dilinquenti. E vonnu ajasari e setti celi l'eroi di oggi e l'eroi d'aeri l'eroi di la mafia ammazzati pi dari ciatu a la libirtati e fari da Sicilia e di stu celu un paradisu nterra unicu e veru! | COSA E’ LA MAFIA? Che cosa è la mafia? Io ve lo dico che cosa è la mafia. Non è la carestia, la mafia, non è la peste, la mafia, non è nemmeno la guerra, la mafia; ma come la carestia, come la peste e come la guerra, semina morte e fa danni, la mafia. Sintiti: Cos'è la mafia si dicia spissu ca teni la Sicilia nell'abbissu La mafia ca porta peni e lutti e di codici e liggi si nni futti e di codici e liggi si nni futti. Cosa è la mafia chi scanna e chi spara e usa pi sintenza la lupara chistu si dici e lestu vi rispunnu a tutti li pirsuni di lu munnu a tutti li pirsuni di lu munnu. La verità vi dico la cancrena della Sicilia è la mafia! Lu me discursu è logico e precisu ca la mafia di lu paradisu non criditi ca su siciliani razza bastarda, su comu li cani razza bastarda, su comu li cani. Non sono siciliani! La mafia e la Sicilia sun dui cosi lu stissi comu diri spini e rosi dui cosi diffirenti pi natura la mafia puzza, e la Sicilia odura! la mafia puzza, e la Sicilia odura! Non sono siciliani e non sono nemmeno amici nostri. L'amici di la mafia su' certuni ben conosciuti e nobili persuni divoti di la fidi e di li santi cu funzioni e carichi 'mpurtanti cu funzioni e carichi 'mpurtanti. Servi de l'amici e di mafiusi si fannu rispunsabili d'abusi di angherii, di priputenzi e 'mbrogghi pi fini elitturali e partafogghi pi fini elitturali e partafogghi. Su' seculi ca dura sta canzuna la mafia 'ngrassa e gunfia li pulmuna si mudirnizza, allarga li so riti diventan dirigenti di partiti diventan dirigenti di partiti. Tutti l'appalti e li cuncissioni l'avi la mafia e la mafia disponi la mafia arraffa, impera e fa liggi la Statu duna e la mafia siggi la Statu duna e la mafia siggi. Lo stato da e la mafia incassa, riscuote fosse soltanto questo, fosse niente la mafia spara, la mafia ammazza La liggi di la mafia è la scupetta (la lupara) e c'è la morti a cui non la rispetta cu vidi e sapi, divi stari mutu pirchì si parla è prontu lu tabbutu pirchì si parla è prontu lu tabbutu. La cassa da mortu è sempre pronta. P'amuri di la vita ognuno taci e supporta la mafia in santa paci la paci di li vivi, vui diciti ci disprizzati e non ci conusciti ci disprizzati e non ci conusciti. Bisogna conoscere per giudicare sapere che cosa è la mafia sapere chi la protegge! Lu mafiusu quannu ammazza sapi che currinu in difisa li so capi li pezzi grossi, l'intellettuali li complici li veri criminali li complici li veri criminali. E con questi accorrono tutti gli altri... Li guardaspalli, li suttamarini amici ed alleati all'assassini cche càncianu li carti e tempu un nenti e l'assassinu addiventa 'nnuccenti e l'assassinu addiventa 'nnuccenti. Povera Sicilia, in quali mani siamo! Dici la mafia, si niscemu asolti megghiu ammazzari e siminari morti turnamu chiù timuti a li paisi viva la Mafia e li corti d'Assisi! viva la Mafia e li corti d'Assisi! Sempri asolti ritornanu a li paisi assolti per insufficienza di prove i cartellini penali parlano. Tornanu chiù timuti, si capisci si fannu fami e lu prestigiu crisci e la patente di “Coppula Torta” stampata 'nfrunti e davanti la porta stampata 'nfrunti e davanti la porta. Come se fosse una gloria essere mafiosi! Tornanu a li paisi chiù timuti con festi rivirenzi e con saluti e 'nda li piazzi in nsignu di rispettu li vidi ca lu sinnacu a braccettu li vidi ca lu sinnacu a braccettu. Monaci e preti pi fàrisi onuri amici si ci fannu e cunfessuri li fannu capi di lu cumitatu e cunfunnunu a Cristu cu Pilatu e cunfunnunu a Cristu cu Pilatu. Traditi di la liggi pi tant'anni Sicilia ha suffrutu peni e affanni dopu un passatu di sangu e timpesta ora si dici ca veni l'inchiesta ora si dici ca veni l'inchiesta. L'inchiesta contro la mafia questo vogliono i veri siciliani! L'inchiesta la vulemu finalmenti lu populu l'aspetta ed è cuntenti e la radici voli ca si taglia la radici, lu fustu e la ramaglia la radici, lu fustu e la ramaglia. All'assassinu chiama all'assassinu e l'omu onestu e bonu cittadinu e chi la mafia la fici putenti si chiama sulu latri e dilinguenti si chiama sulu latri e dilinguenti. Questo vogliamo i siciliani! L'assassino chiamarlo assassino, no galantomo ad ognunu i suoi meriti. Giustizia e paci dumanna sta terra paci e giustizia, la mafia è guerra E vonnu ajasari e setti celi (?) l'eroi passati e l'eroi d'aeri l'eroi passati e l'eroi d'aeri. L'eroi di la mafia ammazzati ammazzati p'amuri e libbertati li morti di Purtella ancora vivi che gridanu Giustizia quannu arrivi che gridanu Giustizia quannu arrivi. Aspettano la Giustizia i morti della Portella della Ginestra. Ora gridamu tutti a vuci forti Sicilia non è terra di morti livammu li bavagli e li catini nè mafia chi cumanni e n'assassini livammu li bavagli e li catini nè mafia chi cumanni e n'assassini nè mafia chi cumanni e n'assassini. |