| In Yiddish traslitterato, da Sam Yiddish Site Web
|
א וואָגן שיך | A VOGN SHIKH |
| |
די רעדער יאָגן, יאָגן | Di reder yogn, yogn |
וואָס ברענגען זיי מיט זיך? | Vos brengen zey mit zikh? |
זיי ברענגען מיר אַ וואָגן | Zey brengen mir a vogn |
מיט צאַפּלענדיקע שיך. | Mit tsaplendike shikh |
| |
דער וואָגן ווי אַ חופּה | Der vogn vi a khupe |
אין אָוונטיקן גלאַנץ | In oventikn glants |
די שיך — אַ פֿולע קופּע | Di shikh- a fule kupe |
ווי מענטשן אין אַ טאַנץ | Vi mentshn in a tants |
| |
אַ חתונה, אַ יום-טוב ? | A khasene, a yontev? |
צי האָט מיך ווער פֿאַרבלענדט? | Tsi hor mikh ver farblendt? |
די שיך — אַזוינע נאָענטע | Di shikh-azoyne noente |
אויף ס’נײַ איך האָב דערקענט. | Oyf s’nay ikh hob derkent. |
| |
עס קלאַפּן די אָפּצאַסן: | Es klapn di optsasn : |
וווּהין, וווּהין, וווּהין? | Vuhin? Vuhin? Vuhin? |
פֿון אַלטע ווילנער גאַסן | Fun alte vilner gasn |
מע טרײַבט אונדז קיין בערלין. | Me traybt undz keyn Berlin. |
| |
איך דאַרף ניט פֿרעגן וועמעס | Ikh darf nisht fregn vemes |
נאָר ס’טוט אין האַרץ אַ ריס : | Nor s’tut in hartz a ris: |
אָ, זאָגט מיר, שיך, דעם אמת , | O zogt mir shikh, dem emes, |
וווּ זענען זיי די פֿיס? | Vu zenen zey di fis? |
| |
די פֿיס פֿון יענע טופֿל | Di fis fun yene tufl |
מיט קנעפּלעך ווי טוי, | Mit kneplekh vi toy, |
און דאָ — וווּ איז דאָס גופֿל, | Un do-vu iz dos gufl, |
און דאָרט וווּ איז די פֿרוי? | Un dort vu iz di froy? |
| |
אין קינדערשיך אין אַלע | In kindershikh in ale |
וואָס זע איך ניט קיין קינד? | Vos ze ikh nit keyn kind? |
וואָס טוט ניט אָן די כּלה | Vos tut nit on di kale |
די שיכעלעך אַצינד ? | Di shikhelekh atsind? |
| |
דורך קינדערשיך און שקראַבעס | Durkh kindershikh un shkrabes |
כ’דערקען מײַן מאַמעס שיך! | Kh’derken mayn mames shikh! |
זי פֿלעגט זיי בלויז אויף שבת | Zi flegt zey bloyz oyf shabes |
אַרויפֿציִען אויף זיך. | Aroyftsien oyf zikh |
| |
און ס’קלאַפּן די אָפּצאַסן: | Un s’klapn di optsasn: |
וווּהין, וווּהין, וווּהין? | Vuhin? Vuhin? Vuhin? |
פֿון אַלטע ווילנער גאַסן | Fun alte vilner gasn |
מע טרײַבט אונדז קיין בערלין. | Me traybt undz keyn Berlin. |
Main Page
Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.