Lingua   

O madre mia (La gerra turko-bulgara)

anonimo
Pagina della canzone con tutte le versioni


La riproduzione della pagina del Documento Google contenente...
O MADRE MIA (LA GERRA TURKO-BULGARA)

O madre mia
tu muy kerida,
de ke 'stas triste
en este dia?

Keridos ijikos,
yorad la manziya
ke amargo
muestra famiya.

Tu ermano el grande
ke l'era soldado,
el fue matado
en Lule Burgaz.

En esta gerra
lo ke se vido,
las krueldades
de la Bulgaria.

L'armada turka
era komandada
por el ministro
Enver Pasha.

Adelantre, adelantre,
ivan gritando,
a Edirne
ivan entrando.

Maldicho seas
tu, rey Ferdinan,
ke tu kavzares
todo 'ste mal.

Djemidos amargos
de kriaturas
ivan suviendo
a las alturas.
O MADRE MIA (LA GERRA TURKO-BULGARA)

yoradone

yoradtwo

yoradthree



Pagina della canzone con tutte le versioni

Pagina principale CCG


hosted by inventati.org