La Barunissa di Carini
Gigi Proietti| Originale | Grazie alla dritta di Gian Piero Testa trovo proprio sul sito... |
| LA BARUNISSA DI CARINI Chianci Palermu, chianci Siracusa, a Carini c'è lu luttu d'ogni casa. Attorno a lu Casteddu de Carini, ci passa e spassa u beddu cavaleri, lu Vernagallu di sangu gintili ca di la giuvintù l'onuri teni. "Amuri chi mi teni a tu' cumanni, unni mi porti, duci amuri, unni?" Vidu viniri 'na cavallaria. Chistu è me patri chi veni pi mmia, tuttu vistutu alla cavallarizza. Chistu è me patri chi mi veni a mmazzà. Signuri patri, chi vinisti a fari? Signora figghia, vi vegnu a mmazzari! Lu primu corpu la donna carìu, l'appressu corpu la donna murìu. Nu corpu a lu cori, nu corpu 'ntra li rini, povera Barunissa di Carini! | LA BARUNISSA DI CARINI Chiangi Palermu e chiangi Siracusa… Carini c’è lu luttu ad ogni casa… Cu’ la purtò ‘sta nova dolurusa mai paci pozza avìri a la so casa!... La megghiu stiddha ca rideva ‘n cielu, anima senza vesti e senza velu… la megghiu stiddha di li serafini: pòvera Baronessa di Carini!... Vicinu a lu casteddhu di Carini và giriannu un bellu cavalieri… Lu Vernagallu di sangu gentili, chi di la gioventù l’onuri têni… Ed ora pi lu chianu vi cumpàri, supra un cavaddhu chi vola senz’ali… Ora di notti cu lu mandulinu sentiti la so vuci a lu giardinu… Vôli scansari l’amurusi affanni, e a tutti ‘sti premuri non rispunni… Ma dintra brucia di putenti fiammi la barunissa, e tutta si cunfunni!... Cci dici la ragioni: “Lassa stari”; ma ‘o cori non si poti cumannari… Ca la ragioni cci ha pocu valuri: supra ogni cosa domina l’amuri!... Lu munnu è fattu di ‘nvidiusi e ‘ngrati… Lu fattu cci lu cùntanu a lu patri… Afferra lu baruni spata ed ermu: “vola, cavaddhu, fòra di Palermu!...” La bella baronessa di Carini stava affacciata nni lu so barcuni… chi abbivirava li rosi e li sciuri… Cu l’occhi ‘n cielu e la menti all’amuri!... Viju venìri ‘na cavalleria: chistu è mè patri chi vêni pi mia!... Tuttu vistutu a la cavallerizza: chistu è mè patri chi vêni e m’ammazza!... |
