Ja nus hons pris
Richard I Lionheart, King of England / Riccardo I Cuor di Leone, re d'InghilterraOriginal | Versione occitana originale di Riccardo I° Cuor di Leone, re ... |
JA NUS HONS PRIS I Ja nus hons pris ne dira sa raison Adroitement, se dolantement non; Mais par effort puet il faire chançon. Mout ai amis, mais povre sont li don; Honte i avront se por ma reançon — Sui ça deus yvers pris. II Ce sevent bien mi home et mi baron– Ynglois, Normant, Poitevin et Gascon– Que je n'ai nul si povre compaignon Que je lessaisse por avoir en prison; Je nou di mie por nule retraçon, —Mais encor sui [je] pris. III Or sai je bien de voir certeinnement Que morz ne pris n'a ami ne parent, Quant on me faut por or ne por argent. Mout m'est de moi, mes plus m'est de ma gent, Qu'aprés ma mort avront reprochement —Se longuement sui pris. IV N'est pas mervoille se j'ai le cuer dolant, Quant mes sires met ma terre en torment. S'il li membrast de nostre soirement Quo nos feïsmes andui communement, Je sai de voir que ja trop longuement —Ne seroie ça pris. V Ce sevent bien Angevin et Torain– Cil bacheler qui or sont riche et sain– Qu'encombrez sui loing d'aus en autre main. Forment m'amoient, mais or ne m'ainment grain. De beles armes sont ore vuit li plain, —Por ce que je sui pris VI Mes compaignons que j'amoie et que j'ain– Ces de Cahen et ces de Percherain– Di lor, chançon, qu'il ne sunt pas certain, C'onques vers aus ne oi faus cuer ne vain; S'il me guerroient, il feront que vilain —Tant con je serai pris. VII Contesse suer, vostre pris soverain Vos saut et gart cil a cui je m'en clain —Et por cui je sui pris. VIII Je ne di mie a cele de Chartain, —La mere Loës. | [JA NULS OM PRES] Ja nuls om pres non dira sa razon Adrechament si com om dolens non Mas per conort deu om faire canson Pro n'ai d'amis mas paure son li don Anta lur es si per ma rezenson So çai dos ivers pres Or sapchon ben miei om et miei baron Angles norman peitavin et gascon Qu'ieu non ai ja si paure companhon Qu'ieu laissasse per aver en preison Non o dic mia per nula retraison Mas anquar soi ieu pres Car sai ieu ben per ver certanament Qu'om mort ni pres n'a amic ni parent E si'm laissan per aur ni per argent Mal m'es per mi mas pieg m'es per ma gent Qu'apres ma mort n'auran reprochament Si çai me laisson pres No'm meravilh s'ieu ai lo cor dolent Que mos senher met ma terra en turment No li membra del nostre sagrament Que nos feimes els sans cominalment Ben sai de ver que gaire longament Non serai en çai pres Suer comtessa vostre pretz sobeiran Sal Dieus e gart la bela qu'ieu am tan Ni per cui soi ja pres |