Language   

La ballata ti lu clandestinu

La Resistenza
Language: Italian (Salentino Mesagnese)




Questa è la ballata ti lu clandestinu
Cristianu com' a vui, cu nnu destinu,
Stranu, a voti pacciu, di certu veru
Questa è la ballata ti lu clandestinu
No mi ‘ncimintari ci dicu “so diversu”,
Diversu di lu mundu pircé aggiu persu
Nna casa e nnu lavoru, lu pani e po' lu vinu
Questa è la ballata ti lu clandestinu

Barcuni fantasma, navi senza capitanu,
Solu cu lla spiranza ‘ffrontunu lu mari
Tutti grigi cu nnu caricu ti vita
Cu mienzi cristi piersi, muerti o alla diriva
“Quedda navi -mi ticia alli tiempi sierma-
Sontu l'albanisi ca sta cercanu nna terra”
Era lu novanta ca sbarcaunu ddo nui
E toppu quindici anni la rialtà non è cangiata mai

Sobbra tutti uguali è nnu giudiziu universali
Puerci e santi stritti cu dottori e lli fficiali
E da vagnona ca sunnava ccu si sposa
La sta catta ‘ntra nna stiva la piccina ca spittava
Mammasa voli lla muntua “Libertà”,
Ma è nnu nomi sbagliatu quedda campa ma no qua
Era megghiu “Spiranza” ca, diciunu li antichi,
“Quedda no mori mai” e, dicu iu, no mori cussì

Li guverni sannu fari solu nn'arti
Quedda ti lu rimandu, ieni crai ca sistimamu
Cussi lu poveru naufragu ca sontu
So custrettu mmi ranciu solu pi putì mangiari
Ci era trittu forsi forsi era diversu
Ci era muertu forsi forsi ca era megghiu
Malitettu mari sa dunari e sa pigghiari
Cce ti tocca certu e cuddu ca non ha tuccari



Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org