Language   

Sun mai andà in guèra

Maltra B-Folk
Language: Italian (Lombardo Varesotto)



Sun mai andà in guèra, sun mai andà a suldà
Ho mai ciapà in man un mitra, una bajunètta, una bumba a man
Sun mai stà bun da regalà ul me cör a una bandiera e ho mai tradì nissün
Ho mai vidü i öcc d’un omm saludà ‘l mund e saràss sü
Ho mai scultà ul vent purtàm la vus di füsii
Ho mai duvü rampegà sura una pianta par vidè sa gh’eran in gir i nemìs
Ho mai lassà la foto de la mè murusa sura ‘l cör
E pregà ul Signur da famm turnà a cà salvo, par dunàgh un zicch d’amur
Ho mai mangià la tèra, schiscià giô sôta un punt
Ho mai verdü i öcc cunt ul fümm d’un cannùn
Ho mai sparà, ho mai mazzà, ho mai spüdà cuntra ‘l vent
Ho mai sügà i me lacrimm cunt ul sangh d’un pôr sérgènt
Ho mai duvü sentiss un nümar, schiscià dentar a la mè pell
Ho mai duvü saltà sura un treno, tammé un védèll, verso la mort
Ho mai vusà cunt i öcc serà par curr incuntra al mè nemìs
Ho mai sperà da famm culpì e lassà l’inferno par ul paradìs
Sun mai andà in guèra, sun mai andà a suldà
Ho mai ciapà in man un mitra, una bajunètta, una bumba a man
Ho mai cumbattü cuntra i ricordi par dimenticà ul me passà
Sun mai andà in guèra, sun mai andà a suldà…


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org