Lingua   

Lingua: Cabilo



Sḥefḍen-iyi ad ɣreɣ
Lqaɛa d igenwan
Deg yiḍ ima ɛerqeɣ
Ttafeɣ abrid s yetran
Si mkul amkan wwḍeɣ
Medden ḥemmlen-iyi
Asmi lliɣ d askuti

Tennam anga-t yetri
Nek nwiɣ s tidett
Ziɣen meskin yeɣli
Teṭṭfem-t-id di tceṛkett
Sers allen-ik seg igenni
Muqel-it-id ɣef tayett:
Ur telliḍ d askuti

Terram widen yeẓran
A ɣ-ḍebɛan tamusni
Temlam-iyi ayen yelhan
Yakʷ ayen ur nelhi
Temlam-iyi ayen yellan
Yakʷ ayen ur nelli
Asmi lliɣ d askuti

Terram-t ad yesseḥfaḍ
Ayen yettnadi ur t-ittaf
Seg uyeffus s azelmaḍ
eg webrid ɣer lkaf
Yerna-iyi ɣer wiyaḍ
A Ṛebbi ili-k yid-i
Ur lliɣ d askuti

Tennam ɛass lǧaṛ-ik
Ma yenṭer ɣur-es azzel
Ur k-ittɣaḍ yiman-ik
D abruri neɣ d adfel
Medden yakʷ d atmaten-ik
Di ddunit irkʷelli
Asmi telliḍ d askuti

Tennam ɛass lǧaṛ-ik
Muqel d acu i iheddeṛ
Ayen yexdem d ccɣel-ik
Nekʷni nebɣa a t-nẓer
ẓweṛ awi-d iman-ik
Legṛad-ik ad yali
Ur telliḍ d askuti

Anga teddiḍ lḥu
Ur qebbel ara lbaṭel
Akken wi yellan yettru
D keč iwimi aa d-issiwel
Anga teddiḍ cfu
Lḥeqq yid-ek aa yili
Aqli-k-id d askuti

Lehlak yebda-d si rrif
Kulwa anda illa a t-iḥaz
W’ ur neqbil yella ssif
Ul aḥnin ad yeddaz
Terram iles-iw d lkif
Afus-iw d aɛeqqaz
Ur lliɣ d askuti

Tiɣri-agi tsellem
Tekka-yi-d si temẓi
ẓriɣ a tt-tfehmem
Deg umeyyez tifem-iyi
ɣurwat ad i-tamnem
Ur tteddut yid-i
Nek mačči d askuti


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org