Lingua   

Chentu Colores

Nur
Lingua: Sardo



Chentu sun sos frores
de chentu colores
chi bivene in paghe
chena gherrare

chentu sun sos ballos,
chentu semus nois,
sighimos a ballare,
propiziu est su mamentu

comente sos frores,
chi si movene impare
cando su entu
sula dae su mare

o sula dae sa terra…
sa gherra iuche gherra
ghetta pede a terra
e balla pro sa paghe!

…ma sos omines pessana solu a gherrare,
ca sos omines pessana solu a facher male,
ca sa notte
tenene in su coro…
ma calchi omine pessat a sa paghe…

dimanda a sa luna
chi isplendet in chelu
in sa notte galana,
rispostas sinzeras

“deo non cumprendo”
nara sa luna
“cal’est su fogu
chi ardet in bois?

Itte cherites?
Proitte gherrate?
No tenet motivu
su bostru operare…

ca sos rajos
de frade sole
iscaldan su bonu
e puru su malu!”

…ma sos omines pessana solu a gherrare,
ca sos omines pessana solu a facher male,
ca sa notte
tenene in su coro…
ma calchi omine pessat a sa paghe…


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org