Cu ti lu misi 'n testa, cu ti lu fici fari?
Cu ti la misi la vesta di veru criminali?
Cu è ca ti lassàu tramari di luntanu,
Cu è ca cummugghjàu lu to trimènnu pianu?
La guerra ca camina
nta la to stissa genti
sanza ca nuđđu prima
ci potti fari nenti.
Cu è ca t'ajutàu?
Dimmìllu a vuci fina,
nun si pò fari sulu
la guerra a l'Ucraina,
Non si pò fari sulu
la guerra a l'Ucraina..
Qual è la vera riti, non cridu ca sì pazzu,
ca cu Zelenski avìti lu beccu nta 'stu jazzu.
Tantu ca s'havi a spàrtiri lu beni di 'sta terra
ed è pi kistu, Pùtin!, ki ora fai la guerra.
Lu Covid la staffetta,
lu scettru ti passàru,
tu divintàsti 'n fretta
dû munnu macillàru,
Lu Covid la staffetta
nta 'na simàna appena
ti la passau pirfètta
e a tìa ti fici jena,
ti la passau pirfètta
e a tìa ti fici jena..
Zelenski cala 'a maschera quant'è ca t'haj vuscàtu
pi mettiri la patria nte manu di la NATO?
Quantu custau 'u to cjancu a Europa e Stati Uniti
ca a tìa ti tennu bancu pi tessiri li riti?
Su' trentatrì dinàri,
nun fari lu Cainu,
Tu 'a vita poi sarbàri
au populu ucrainu.
Arrènniti, Zelenski
e calati la schina
ca si la Russia perdi
d'arrèri c'è la Cina,
Arrènniti Zelenski
e calati la schina
ca si la Russia perdi..
d'arrèri c'è la Cina.
Cu ti la misi la vesta di veru criminali?
Cu è ca ti lassàu tramari di luntanu,
Cu è ca cummugghjàu lu to trimènnu pianu?
La guerra ca camina
nta la to stissa genti
sanza ca nuđđu prima
ci potti fari nenti.
Cu è ca t'ajutàu?
Dimmìllu a vuci fina,
nun si pò fari sulu
la guerra a l'Ucraina,
Non si pò fari sulu
la guerra a l'Ucraina..
Qual è la vera riti, non cridu ca sì pazzu,
ca cu Zelenski avìti lu beccu nta 'stu jazzu.
Tantu ca s'havi a spàrtiri lu beni di 'sta terra
ed è pi kistu, Pùtin!, ki ora fai la guerra.
Lu Covid la staffetta,
lu scettru ti passàru,
tu divintàsti 'n fretta
dû munnu macillàru,
Lu Covid la staffetta
nta 'na simàna appena
ti la passau pirfètta
e a tìa ti fici jena,
ti la passau pirfètta
e a tìa ti fici jena..
Zelenski cala 'a maschera quant'è ca t'haj vuscàtu
pi mettiri la patria nte manu di la NATO?
Quantu custau 'u to cjancu a Europa e Stati Uniti
ca a tìa ti tennu bancu pi tessiri li riti?
Su' trentatrì dinàri,
nun fari lu Cainu,
Tu 'a vita poi sarbàri
au populu ucrainu.
Arrènniti, Zelenski
e calati la schina
ca si la Russia perdi
d'arrèri c'è la Cina,
Arrènniti Zelenski
e calati la schina
ca si la Russia perdi..
d'arrèri c'è la Cina.
×
![]()
Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.
