Lingua   

Favi amari

Nonò Salamone
Lingua: Siciliano




E a la sira, quannu scura
m'arricampu senza grana
me mujèri m'abbàtti li mani
cu setti figlie ca vonnu manciari

Pani duru pi manciari
la minescra e quattru favi,
ma li favi l'haj' a ghjiri a arrubbàri
sinnò tutti murèmu di fami

Matina favi, menzjòrnu favi
'a sira favi, la notti favi
e lu Signuri n'hav'ajutàri,
ma kista è vita ca 'un si pò fari

Cu dibulìzza haj' 'a fari l'amuri
sugnu ridùttu comu 'na cannèđđa
la famiglia crisci e li guaj midè

Matina favi, mezjòrnu favi
la sira favi, ma sempri favi
e mentri campu m’haju arricurdàri
cu n'havi nenti e cu nn'havi assàj

Haju fattu lu scarpàru
lu varbèri e lu viđđanu
e si cadi malatu don Peppi
mi tocca fari lu sacristanu

Oji è festa a lu paìsi:
su' siddiàti li carùsi,
pedi nudi e panza vacanti
di lu cchjù pìcciulu a lu cchjù 'ranni

Matina favi, menzjòrnu favi
la sira favi, la notti favi
e mentri campu m’haju 'a ricurdari
cu n'havi nenti e cu nn'havi assàj

Matina favi, mezjòrnu favi
la sira favi, ma sempri favi
e lu signuri m'hav'ajutàri ..
ma kista è vita ca 'un si pò fari.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org