Quan pes qui sui, fui so que·m franh:
mas trop m’an dich fals fach flac frach,
per qu’ieu volgra cor franc e ferm
fi e fizel, fermat e fort,
quar manhs mi dizon qu’aissi·m pert,
quar m’abric say, on sols non fer.
En folh atur m’atur e·m fer
qar miels mon cor bru blau ieu franh;
e sieu amor per amar pert,
car compri·l cor menut e frach,
may er amar mi son e fort
li fals fag flac per que m’enferm.
En Selh qui·m fes me·n fi que·m ferm
mon desfermat cor fals e fer
quar tant m’aprim que·l crim que·m franh,
aprim e lim, per qu’elh s’espert,
qu’ab dur atur l’auray tost frach
s’asag maltrag ni s’ai cor fort.
S’ieu leu no·m leu del fays trop fort
tem so, que·l cors e·l cor mi franh.
E qui apert e fols si pert
non s’es mes en luec fort ni ferm,
per qu’ieu m’afferm, quon ferm fort fer,
qu’en luec son mes e ferm e frag.
Er lays lo lays fel fol e frag
per selh que silh canton plus fort
e cre que be ses dupte·m franh
quar trop atrop selh qui·s franh, fer
bis bric bas blos fals e non ferm
e selh qui plus l’ama, s’espert.
Ben sai ques ay que sai si pert
tam be, que uns no ve que frach
per que·m deslonh de so qu’es fer
e·m met en so que sai plus ferm
e qui layssa feni per fort,
pren ferm per so, qu’el ponh se franh.
Quec prec que lays feni per ferm
ans que layssat l’aya plus fort:
so que·sse pert, ad autruy franh.
mas trop m’an dich fals fach flac frach,
per qu’ieu volgra cor franc e ferm
fi e fizel, fermat e fort,
quar manhs mi dizon qu’aissi·m pert,
quar m’abric say, on sols non fer.
En folh atur m’atur e·m fer
qar miels mon cor bru blau ieu franh;
e sieu amor per amar pert,
car compri·l cor menut e frach,
may er amar mi son e fort
li fals fag flac per que m’enferm.
En Selh qui·m fes me·n fi que·m ferm
mon desfermat cor fals e fer
quar tant m’aprim que·l crim que·m franh,
aprim e lim, per qu’elh s’espert,
qu’ab dur atur l’auray tost frach
s’asag maltrag ni s’ai cor fort.
S’ieu leu no·m leu del fays trop fort
tem so, que·l cors e·l cor mi franh.
E qui apert e fols si pert
non s’es mes en luec fort ni ferm,
per qu’ieu m’afferm, quon ferm fort fer,
qu’en luec son mes e ferm e frag.
Er lays lo lays fel fol e frag
per selh que silh canton plus fort
e cre que be ses dupte·m franh
quar trop atrop selh qui·s franh, fer
bis bric bas blos fals e non ferm
e selh qui plus l’ama, s’espert.
Ben sai ques ay que sai si pert
tam be, que uns no ve que frach
per que·m deslonh de so qu’es fer
e·m met en so que sai plus ferm
e qui layssa feni per fort,
pren ferm per so, qu’el ponh se franh.
Quec prec que lays feni per ferm
ans que layssat l’aya plus fort:
so que·sse pert, ad autruy franh.
×
![]()
Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.
