Santino Spinelli: Pativ pri le panǎluré Rom ta Sintë bi risardipé
GLI EXTRA DELLE CCG / AWS EXTRAS / LES EXTRAS DES CCGLanguage: Romany (Romani abruzzese)
Le naci-faśìstë a marièndëvë kamlé phrala!
Sa te dàsë pativ
ki kon a mulé pri sassaré.
Rom ta Sintë pri ni them nivò
ta fiddèr-a mulé...
A frikhanjé lèngrë tarné ʒivibbé
bi traś ta bi ta lisdrànë
pri laćhì nivì kriss...
Ćhavé laćhé ćhavé bitraś
ko bravalipé barò andré o jilò...
Ta so rakhié pri lèngrë ćhavé?
Racismë, diskriminaciònë ta segregaciònë,
ta sa kulà ʒungalé butǎ pri kon a meriènë...
Na siné kajà i demokracië ta kammèncënë !
Ki ni xolaj avilò vuàrë xolaj
pri tummèngrë ćhavé...
So a parujàppë? Niśt...
O jilò tummèngrë a ćilò xoxaddò...
Tumé śukuàrë ʒené bi risardipé, a meriènë pri niśt !
O kalipé barò a lièndëvë...
Phrala! Sa te dènë pativ
ki le Rom ta Sintë mulé!
Le navà śukuàre tummëngrë
te ćhènë tatè andré le jilé
te ćhènë andré le goddià
ta ningavènë kanà le butià ʒungalé,
sàrë kon a mulé a kerié kulà divèssë palé!
Ta tumé ka but a mangènë i demokracia
ta i kriss
Prisò na kerènë niśt pri le kampë nomadë
ka si le nivé lager?
Sàrë le lager tar le nacistë
a lulavènë ta marènë
o gi ta i goddì,
sàrë tumé ka kammènë i kriss
mangènë sa kavà?
I kriss nasfalì a ćhijènë andré o jilò?
Phrala! Dàsë pativ ki le panǎluré Rom ta Sintë
k-a mulé pativalé pri sassaré,
ta pri sassaré a frikhanjé o lulò...
Kotar le butǎ banǎrdé te làsë o sićipé laćhò !
Sa te dàsë pativ
ki kon a mulé pri sassaré.
Rom ta Sintë pri ni them nivò
ta fiddèr-a mulé...
A frikhanjé lèngrë tarné ʒivibbé
bi traś ta bi ta lisdrànë
pri laćhì nivì kriss...
Ćhavé laćhé ćhavé bitraś
ko bravalipé barò andré o jilò...
Ta so rakhié pri lèngrë ćhavé?
Racismë, diskriminaciònë ta segregaciònë,
ta sa kulà ʒungalé butǎ pri kon a meriènë...
Na siné kajà i demokracië ta kammèncënë !
Ki ni xolaj avilò vuàrë xolaj
pri tummèngrë ćhavé...
So a parujàppë? Niśt...
O jilò tummèngrë a ćilò xoxaddò...
Tumé śukuàrë ʒené bi risardipé, a meriènë pri niśt !
O kalipé barò a lièndëvë...
Phrala! Sa te dènë pativ
ki le Rom ta Sintë mulé!
Le navà śukuàre tummëngrë
te ćhènë tatè andré le jilé
te ćhènë andré le goddià
ta ningavènë kanà le butià ʒungalé,
sàrë kon a mulé a kerié kulà divèssë palé!
Ta tumé ka but a mangènë i demokracia
ta i kriss
Prisò na kerènë niśt pri le kampë nomadë
ka si le nivé lager?
Sàrë le lager tar le nacistë
a lulavènë ta marènë
o gi ta i goddì,
sàrë tumé ka kammènë i kriss
mangènë sa kavà?
I kriss nasfalì a ćhijènë andré o jilò?
Phrala! Dàsë pativ ki le panǎluré Rom ta Sintë
k-a mulé pativalé pri sassaré,
ta pri sassaré a frikhanjé o lulò...
Kotar le butǎ banǎrdé te làsë o sićipé laćhò !
×
![]()
Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.
