Lingua   

Scuorno

CantoDiscanto
Lingua: Napoletano


CantoDiscanto


Vola
Palummella 'int 'o cielo
Portale nu penziero
A tutta 'a gente
A tutta 'a gente
Chille
Che nun contano niente
Ca 'e signure putiente
Nun danno aurienza
Nn'e ffà parlà

Songo africane
Munne luntane
Addò ll'acqua è 'na ricchezza
Venute ajere
Ciento mestiere
S’hanno ‘a mparà

Aspett’ e spero
I' aspett’ e spero
'O ssaie:
‘O munno gira
E nun se ferma mai

Sona
'Na canzone pè ll'aria
Dice ca simmo eguale
Ma nun è overo
Ma nun è overo
Canta
'Na vucella 'e criaturo
Passianno muro a muro
Dint’a ‘na via
De bogotà

Case fetiente
E fatisciente
Se sta dint'a munnezza
S’hadda 'mparare
Pure a arrubbare
Si vò campà

Aspett’ e spero
I' aspett’ e spero
'O ssaie:
‘O munno gira
E nun se ferma mai
No, nun se ferma
Ma ‘i me metto scuorno
‘E vivere a ‘stu munno
E m’addimmanno:
‘Nte miette scuorno
Pure tu?

Dimme
Che me pozzo inventare
Addò l’aggio ‘a truvare
La strada nova
La strada nova
Guarda
Chella stella nascente
Ca nun nasce p’a gente
Che lotta e more
P’a libertà

Dint’ alla terra
Sempe cchiù guerra
E sempe meno bellezza
Ce ne accurgimmo
Ma nun capimmo
Comme campà

Aspett’ e spero
I' aspett’ e spero
'O ssaie:
‘O munno gira
E nun se ferma mai



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org