Unni si’ ca ti cercu a tutti banni,
varca sbannuta sugnu ammenzu a l’unni;
cimiddìu a lu ventu comu ’i canni
e mi furrianu l’occhi tunni tunni.
Si ppo’ fari ’n signali mi lu manni,
unn’haju a circari cchiù, dimmillu unni;
crisci la pena ogni ura cchiù granni
e li pinseri me cchiù niuri e funni.
Tu si’ lu me pileri forti e duci,
bannera ca risisti ad ogni ventu,
torcia ’nciammata fai lustru e n’abbruci
cu t’astutau n’ha aviri cchiù abbentu.
Lu to silenziu morti n’arridduci,
viniti genti, a unu a deci a centu:
è comu vivu si facemu vuci
di novu allatu lu vogghiu lu sentu.
varca sbannuta sugnu ammenzu a l’unni;
cimiddìu a lu ventu comu ’i canni
e mi furrianu l’occhi tunni tunni.
Si ppo’ fari ’n signali mi lu manni,
unn’haju a circari cchiù, dimmillu unni;
crisci la pena ogni ura cchiù granni
e li pinseri me cchiù niuri e funni.
Tu si’ lu me pileri forti e duci,
bannera ca risisti ad ogni ventu,
torcia ’nciammata fai lustru e n’abbruci
cu t’astutau n’ha aviri cchiù abbentu.
Lu to silenziu morti n’arridduci,
viniti genti, a unu a deci a centu:
è comu vivu si facemu vuci
di novu allatu lu vogghiu lu sentu.
×
![]()
Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.
