Lingua   

Sacco e fuoco

Teresa De Sio
Lingua: Napoletano



Nui simmo nati ‘ncopp’a na montagna
bevimmo quanno chiove e quanno scenne ‘a neve se magna
sunammo ‘e tarantelle quanno ll’aria è scura
sunammo ‘e tarantelle pe nunn’avè paura

Cagnano ‘e tiempe e cagnano ‘e padruni
sulo ‘int’ e sacche nostre nun ce vene mai ‘a fortuna
sunammo ‘e tarantelle quanno ‘o viento votta
sunammo ‘e tarantelle e chi nunn’e vò abballà se fotte

Brigante Sacco e Brigante Fuoco
vui site comm’a bestie
e comm’a bestie è poco

Dicette Garibaldi “ chesta terra è a vostra”
e nuie c’ammo creduto e c’ammo fatte assai cchiù tuoste
ma mò chi sa cumm’è, ce resta ‘o resto ‘e niente
simmo briganti e guappe, sempre cchiù pezzienti

E sò passate ll’anni e è sempre ‘a stessa canzone
na vota era ‘o Piemonte e n’ata vota era ‘o Burbone
ma pure chiste e mò, overo so fetienti
chi ‘o tene s’o mantene…n’culo a chi nun tene niente

Brigante Sacco e Brigante Fuoco
vui site comm’a bestie
e comm’a bestie è poco

Brigante Sacco e Brigante Fuoco
vui site comm’a bestie
e comm’a bestie è poco

Bum Bum Beng Beng
Bunghete e banghete
Bunghete e Ba

Votta ‘o viento- votta ll’acqua
votta ‘o cielo – votta ‘e mmane
votta tutt’e varche a mare

votta pure ‘e marenare
votta a mme – motta a tte
votta pure ‘e figli d’o rre
votta ‘a ciorta - ‘a ciorta ‘nzista
votta ‘ncuorpo tutto ‘o scisto
votta a tte – votta a mme
votta e nun sapè pecchè

N’chiappala, n’chiappala
n’chiappala ‘a ciorte
n’chiappala forte
e ‘nzerrala ccà
n’chiappala, n’chiappala
n’chiappa la ciorte
n’chiappala e nunn’a fa scappà


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org