Lingua   

Oratione contra coronavirus

Mauro Geraci
Lingua: Siciliano



Oremus!
Domine Deus excellentissimus
di ‘n testa levanni a coronavirus.
‘Mpazzeru tutti, putenti Dominem,
picciuli et granni, fimmini et hominem.
Di la matina ‘nsinu a la noctis
perpetua camula avemu nobis,
chiù di lu virus a nui i cogghionis
cu è ca nni rumpi? A tilivisionis.
Nun sgraccu, nun ‘nziccu, nun toccu, nun sputu,
non nesciu, non strisciu, non ciusciu e stranutu,
d’ognunu m’arrassu, mi scansu, non ruttu
mi strinciu, mi scugnu, non vasu e non futtu. Amen!

Ti preju Santu Patris
levanni di sta fossa
prima ca la Via crucis
cadi nta zona rossa,
prima ca ogni parrinu
ti tira di l’artari
l’ostia a tia cchiù vicinu
c’a canna pi piscari.

i dura sta sirrata,
o Patri Onnipotenti,
si ti fai na risata
poi t’ha lavari i denti
e si la to mugghieri
ti dici “Cicciu, un vasu!”,
rispunni “Vai nn’arreri!
Va ciusciati lu nasu!”

Di la Cina partiu
stu virus murtali
unni c’a merda addevanu
li poviri animali.
Lu capu Mattarella
a lu nostru paisi
dissi: “La Cina è bella!

Glubbalizzati semu,
lu munnu è na latrina,
‘ccussì nn’arridducemmu
pi curpa di la Cina,
l’Europa e i Stati Uniti,
li multinazionali
si tessunu li riti
e nni scippanu l’ali.

Oremus!

Confiteor Deo onnipotenti
covid tollis urgentementi,
tollis humana cogitazione,
peccata tollis et tilivisione.
Domine exaudi la me orationi,
tollis a malaglubbalizzationi
et clamor veniat, veniat la paci
e binidici a Mauru Giraci.

Nun sgraccu, nun ‘nziccu, nun toccu, nun sputu,
non nesciu, non strisciu, non ciusciu e stranutu,
d’ognunu m’arrassu, mi scansu, non ruttu
mi strinciu, mi scugnu, non vasu e non futtu. Amen!


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org