Language   

البحر

Sayed Hegab / سيد حجاب
Language: Arabic



البحر

بحب البحر لما يزوم وبعشق صرخته في الريح
وأحس في موجة شوق مكتوم لناس حرة وحياة بصحيح
وأحبه لما يتهادى وادوب لما يوشوشني
ويفرش موجه سجادة في احلامي تعيشني
مالوش اول ولا اخر قراره طاوي اسراره
ودايما في الهوى مسافر ولا نهاية لمشواره
بحب البحر احب البحر واعشق ضحكته وانًه
واحب الناس احب الناس ما هم فيهم حاجات منه
واحبك ياللي احلامي في هواك زهزهوا وغنوا
يا بلدي ياللي وانا فيك عيوني اليك بيحنوا
بحب الورد فوق السور وعشق ضحكته الفانية
واحس ف ريحته شوق مسحور لناس حرة وحياة تانية
واحبه ما بين ايدين عشاق رسالة مهفهفة باشواق
وحتى وهو بين اوراق كتاب العشق ذكرى فراق
حياته في الهوى ليلتين وعمره ما كان بعمره ضنين
يرش هواه على الماشيين وبتقاسموا مع الجايين
بحب الورد احب الورد واعشق ضحكته وانًه
واحب الناس احب الناس ما هم فيهم حاجات منه
واحبك ياللي احلامي في هواك زهزهوا وغنوا
يا بلدي ياللي وانا فيك عيوني اليك بيحنوا
بحب البحر، احب الورد احب الناس واحب نعيشها احرار مرفوعين الراس
ولا تفرقنا لا الالوان ولا الأجناس وادوب في اذان يرفرف تحضنه أجراس
تعالوا نقيم لبكرة الجاي يا ناس قداس


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org