Language   

Siemu avviliti 'mmezzu a li disprezzi

Anonymous
Language: Sicilian



Siemu avviliti 'mmezzu a li disprezzi,
Miseri, afflitti, minnichi e pazzi
Nui surfatara siemmu stati avvezzi
Vestiri e manciari comu signurazzi;

Ora bisogna circari li pezzi,
E fari economia senza cchiù sfrazzi,
Pirchì ni fannu campari cu pocu prezzi
E uscammu pocu nuantri scunsulatazzi.

L'arti ca era chiamata signurina
E ricca, pompusissima e avana
Ora è ridutta misera e mischina,
Pirchì voli accussì l'ebica strana.

'St 'ebica briganti assassina
Sta dannu chista forti battana
'Nta 'stu malu tiempu ca camina
Finiemmu di vuscari grana.

Poviri surfatara sventurati
Comu jornu la notti la faciti,
Cu vinticincu grana ca vuscati
Lestu a la taverna vi nni iti.

Si ppi disgrazia caditi malati
Subitu ppi lu spitali partiti:
Tistamintu faciti e chi lassati?
Strazi e marruggia si l'aviti.

Chianciu mischinu quantu aiu a dari!
Di la testa mi li tiru li capiddi,
A la chiazza nun puozzu avvicinari
Ca' detti n'aiu cchiù di li stiddi.

Haiu bisuognu sacchi di dinari
Pi pagari li detti picciliddi
ma ci lu dissi: haiu tutti a pagari
quannu veni la tumma di l'anciddi.


Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org