Lingua   

Castiadas

Piero Marras
Lingua: Sardo



Cando in Austu ‘nde sun isbarcados
pariat su mare una tàula lada
e luego cun s’àncora ghetada
mannu est s’ispantu de sos cundennados.

Abbaidende su sartu totu a inghìriu
S’asprore ’e sa natura, su martìriu
fit “badde ‘e su diàulu” nomenadu
su logu solianu ’e disisperu.

E fadigosu a bi campare abberu
e malu puru pro cuss’inserradu
chi depiat iscontare cun dolore
totu sa pena in “Caienna Minore”.

Ispuntat su sole in Castiadas
a bellu a bellu de su monte a palas
sos mortos non sun mortos indebbadas
ca sanadu an sas terras impestadas.

Nàschida es’ cun s’intentu printzipale
de luire mortores arestados
cun su laore in sos sartos lantados
sa prus manna colónia nazionale.

Ma non sun mortos totus de malària
inoghe tra paúle e arenària
amus intesu de sos presoneris
mortos umpare in sa tzella iscurosa.

Connota menzus “de sos bios sa losa”,
non b’intraian mancu sos basseris
in s’abba mala che sutzu ’e latórighe
balla a su pê, annegados che sórighes

Ispuntat su sole in Castiadas
a bellu a bellu de su monte a palas
sos mortos non sun mortos indebbadas
ca sanadu an sas terras impestadas.


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org