Bondì, care muraje,
teile d’aragn, bondì,
veddve ch’i son tornaje?
Guardeme tourna sì.
J’eu sempre penssà a voui
o gloriosissim froui!
Bondì, bondì, bondì,
Guardeme tourna sì.
Oh quante volte, oh quante
I v’eu parlave, o trav!
I v’eu sognave, o sante
criche, oh beate ciav!
Ah! i veddo ant un canton
me nom scrit con d’carbon.
Bondì, bondì, bondì,
Guardeme tourna sì.
Na riga rascià mesa
I sciairo un po’ pi ‘n là
E smiilo nen ch’as lesa
Viva la libertà?...
As ved ch’j’era un gran dot,
- Evviva j’agnolot!
Bondì, bondì, bondì,
Guardeme tourna sì.
Sul nas dla Polissia,
la musa del Piemont
l’è propi sì ch’a vnia
a caresseme ‘l front.
I sento ancor j’osei
besbiè me ritornei.
Bondì, bondì, bondì,
Guardeme tourna sì.
Lo ricordeve ancoura?
(Combinassion fatal!)
A l’era Pasqua aloura
e adess a l’è Natal.
Nossgnor a meuir, a nass,
e am lassa mi ant’i strass?
Bondì, bondì, bondì,
Guardeme tourna sì.
Per pi nen vnive a vedde,
povre muraje plà,
quanti a son fasse credde
ribenedì dai frà!
Ma mi, per pieuva e soul,
mi son stait sempre coul.
Bondì, bondì, bondì,
Guardeme tourna sì.
Da dop ch’i v’eu chitave
(son quindes ani tost!)
a s’è piantassne d’fave,
a s’è scaodassne d’rost.
Ma lo ch’a l’à tnù bon
it ses mach ti, o person!
Bondì, bondì, bondì,
Guardeme tourna sì.
Na manchlo d’maravìe:
d’congress, d’associassion,
d’ricover, d’lotarie,
d’medaje, d’medajon?...
Tuti famous decot,
ch’a spusso d’moufa d’crot.
Bondì, bondì, bondì,
Guardeme tourna sì.
Dle neuve teorie
ch’a illustro Doira e Po,
a l’è da couste grie
ch’as ved ben ‘l drapò.
Da sì coum a l’è bel
el soul d’Piassa Castel!
Bondì, bondì, bondì,
Guardeme tourna sì.
teile d’aragn, bondì,
veddve ch’i son tornaje?
Guardeme tourna sì.
J’eu sempre penssà a voui
o gloriosissim froui!
Bondì, bondì, bondì,
Guardeme tourna sì.
Oh quante volte, oh quante
I v’eu parlave, o trav!
I v’eu sognave, o sante
criche, oh beate ciav!
Ah! i veddo ant un canton
me nom scrit con d’carbon.
Bondì, bondì, bondì,
Guardeme tourna sì.
Na riga rascià mesa
I sciairo un po’ pi ‘n là
E smiilo nen ch’as lesa
Viva la libertà?...
As ved ch’j’era un gran dot,
- Evviva j’agnolot!
Bondì, bondì, bondì,
Guardeme tourna sì.
Sul nas dla Polissia,
la musa del Piemont
l’è propi sì ch’a vnia
a caresseme ‘l front.
I sento ancor j’osei
besbiè me ritornei.
Bondì, bondì, bondì,
Guardeme tourna sì.
Lo ricordeve ancoura?
(Combinassion fatal!)
A l’era Pasqua aloura
e adess a l’è Natal.
Nossgnor a meuir, a nass,
e am lassa mi ant’i strass?
Bondì, bondì, bondì,
Guardeme tourna sì.
Per pi nen vnive a vedde,
povre muraje plà,
quanti a son fasse credde
ribenedì dai frà!
Ma mi, per pieuva e soul,
mi son stait sempre coul.
Bondì, bondì, bondì,
Guardeme tourna sì.
Da dop ch’i v’eu chitave
(son quindes ani tost!)
a s’è piantassne d’fave,
a s’è scaodassne d’rost.
Ma lo ch’a l’à tnù bon
it ses mach ti, o person!
Bondì, bondì, bondì,
Guardeme tourna sì.
Na manchlo d’maravìe:
d’congress, d’associassion,
d’ricover, d’lotarie,
d’medaje, d’medajon?...
Tuti famous decot,
ch’a spusso d’moufa d’crot.
Bondì, bondì, bondì,
Guardeme tourna sì.
Dle neuve teorie
ch’a illustro Doira e Po,
a l’è da couste grie
ch’as ved ben ‘l drapò.
Da sì coum a l’è bel
el soul d’Piassa Castel!
Bondì, bondì, bondì,
Guardeme tourna sì.
×