Lingua   

קוּאנדו איל ריי נמרוד

anonimo



קוּאנדו איל ריי נמרוד אל קאמפו סאליה
מיראבה אין איל סיילו אי אין לה איסטרילײריה,
בידו אוּנה לוּז סאנטה אין לה ג׳וּדיריה,
קי אביה די נאסיר אברהם אבינו.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


לאויגו א לאס קומאדריס אינקומינדאבה
קי טודה מוּגי׳ר קי פרינײאדה קידאסי
סי איג֨ו פארײרי אל פוּנטו לו מאטאסי
קי אביה די נאסיר אברהם אבינו.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


לה מוּג׳יר די תרח קידו פרינײאדה,
די דיה איא דיה איל לי דימאנדאבה,
די קי טינײש לה קארה טאן דימוּדאדה?
אײה ײה סאביה איל בײן קי טיניה.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


אין פין די מאויבי מיזיס פאריר קיריה,
איבה קאמינאנדו פור קאמפוס אי בינײאס,
א סוּ מארידו טאל נו לי דיסקוּבריה
טופו אונה מערה, אלײ לו פאריריה.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


אין אקײה אורה איל נאסידו פאבלאבה,
אנדאבוס, לה מי מאדרי, די לה מערה,
ײו ײה טופו קײן מ'אליג֨ארה
מלך די סײלו מי אקומפאנײארה
פורקי סו קריאדו דיל דײו בינדיג֨ו.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


אין פין די ביׅינטי דיאס לי פאוי א ביזיטאר,
לו בידו ד'אינפרינטי, מאנסיבו סאלטאר,
מיראנדו אל סײלו אי בײן אטינאר,
פארה קונוסיר איל דײו די לה בירדאד.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


מאדרי, לה מי מאדרי, קי בוּשקאײש אקי?
אוּן איג֨ו פריסײאדו פארי ײו אקי.
ביני א בוּשקארלו, סי סי טופה אקי,
סי איסטה ביבו מי קונסולארי ײו.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


מאדרי, לה מי מאדרי, קי פאבלאס פאבלאײש?
אוּן איג֨ו פריסײאדו, קומו לו דישאײש?
אפין די בייִנטי דיאס, קומו לו ביזיטאײש?
ײו סו באויסטרו איג֨ו פריסײאדו.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


מיראד לה מי מאדרי, קי אךל דײו איס אוּנו,
איל קריו לוס סײלוס אוּנו פיר אוּנו.
דיזידלי א נמרוד קי פירדײז סוּ טינו,
פורקי נו קײרי קרייִר אין איל בידראדירו.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


לו אלקאנזו א סאביר איל רײ נמרוד איסטו,
דישו קי לו טראײגאן אײנה אי פריסטו
אנטיס קי דיסרײנין א טודו איל ריסטו
אי דישין א מי אי קריאן אין איל בידראדירו.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


ײה מי לו טרוּשירון קון גראנדי אלבון
אי איל טראבו די לה סילײה אוּן באוין טראבון.
די, ראשה, פורקי טי טײניס טו פור דײו?
פורקי נו קײריס קריִיר אין איל בידראדירו?

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


אסינדײנדו אוּן אורנו בײן אסינדידו,
איג֨אדלו פריסטו קי איס אינטינדידו,
לײבאדלו קון טראבוּקזס, קי איס אגוּדו,
סי ד'אקי איל דײו לו איסקאפה, איס איל בידראדירו.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


איג֨אנדולו אל אורנו, איבה קאמינאנדו,
קון לוס מלכים איבה פאסיאנדו,
אי טודוס לוס לינײוס פרוטו איבאן דאנדו,
די אקי קונוסימוס אל דײו בידראדירו.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


גראנדי זכות טײני איל סינײור אברהם,
קי פור איל דײו די לה בירדאה.
גראנדי זכות טײני איל סינײור פארידו,
קי אפירמה לה מצװה די אברהם אבינו.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


סאלודימוס אגורה אל סינײור פארידו,
קי לי סיה בסימן טוב איסטי נאסידו,
קי אליהו הנביא מוס סיה אפאריסידו,
אי דארימוס לװריס אל בידראדירו.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.


סאלוּדימוס אל סנדק אי טאמבײן אל מוהל,
קי פור סוּ זכות בוס בינגה איל גואל
אי רחמה א טודו ישראל,
אי דארימוס לװריס אל בידראדירו.

אברהם אבינו פאדרי קירידו,
פאדרי בינדיג֨ו, גוּז די ישראל.
אברהם אבינו פאדרי קירידו,
פאדרי בינדיג֨ו, גוּז די ישראל.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org