Lingua   

‘N ciumi di genti

Sciroccu
Lingua: Siciliano


Sciroccu


‘N ciumi di genti cui testi calati
scurri a rilentu davanti ai surdati.

‘N ciumi di genti cu l'occhi spirtati
facci cunfusi, famigghi spirduti.

‘N ciumi di genti ca ventu trascina
ciusci di robbi cugghiuti a matina.

Genti che si vota darreri
a taliari li casi della vita di jeri.

Friddu ca stocca li jammi
caminari circannu n'autra vita davanti.

Notti ca nun ponnu passari
pi tutti ddi genti ca nun ponu durmiri.

Focu pi cuarisi i mani
spiranza di paci 'n paisi luntanu.

Suli ca nasci a livanti e mori a punenti
duna luci a ssi genti.

Luna, spiranza di luci, ca di sopra ni vidi
dinni unni è l'amuri.

Ventu ca veni luntanu
danni na manu a viviri cca.

Mari, nun ti firmari
porta l'amuri a cu nun sapi campari.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org