Lingua   

U pumu

Rosa Balistreri
Lingua: Siciliano



Quannu me matri mi fici vattiari
comu na zita mi vosi fasciari
la so ricchezza era sulu ddu velu
ammia lassau 'n pizzuddu di cielu

Pani e cipudda cunzatu cu nnenti
chistu รจ lu piattu di la me genti
sulu a li festi si mancia la carni
disiu d'un pumu crisciva cu l'anni

Tanti cristiani sutta lu munti
cu la fatica scritta 'nta frunti
ad aspittari la terra prumissa
sempri 'n parrinu ca dici la missa.

Terra scurdata di Diu e di santi
'n manu ci resta chiddu chi chianci
tutta la vita sempri aspittari
aspetta aspetta a cu veni 'n veni mai.

Gira sta rota gira stu munnu
o arrivi 'n cielu o resti 'n funnu
chi sorti amara ristari sulu
senza putiri manciari ddu pumu.

Quannu me matri mi fici vattiari
comu na zita mi vosi fasciari
la so ricchezza era sulu ddu velu
ammia lassau 'n pizzuddu di cielu

Gira sta rota gira stu munnu
o arrivi 'n cielu o resti 'n funnu
chi sorti amara ristari sulu
senza putiri manciari ddu pumu
chi sorti amara ristari sulu
senza putiri manciari ddu pumu


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org