Language   

La libertà (La palummedda janca)

Valentino Santagati e Caterina Bueno
Language: Sicilian


Valentino Santagati e Caterina Bueno


La palummedda janca
prijau, prijau, prijau.
La palummedda janca
prijau, prijau, prijau,
ma nenti cuncirtau
ccu lu tirannu re,
tirannu re,
tirannu re.

La palummedda janca
suffrìu, suffrìu, suffrìu.
La palummedda janca
suffrìu, suffrìu, suffrìu,
all'urtimu rumpìu,
nun potti stari cchiù,
nun potti cchiù,
nun potti cchiù.

Lu dudici jinnaru,
jurnata di valuri.
Lu dudici jinnaru,
jurnata di valuri,
sparmau lu triculuri,
vosi la libertà,
la libertà,
la libertà.

Vinniru li surdati
ccu baddi e ccu cannuna.
Vinniru li surdati
ccu baddi e ccu cannuna,
cci dèsimu li pruna,
spareru e 'un vennu cchiù,
'un vennu cchiù,
'un vennu cchiù.

La palummedda janca
Diu la crijau rrigina.
La palummedda janca
Diu la crijau rrigina;
'nsignata a la catina
la palummedda 'un cc'è,
nun cc'è, nun cc'è,
nun cc'è, nun cc'è.

La palummedda janca
nun timi li farcuni.
La palummedda janca
nun timi li farcuni.
Nun vosi cchiù Burbuni,
lu dissi e accussì fu,
accussì fu,
accussì fu.

La palummedda janca
manteni la palora.
La palummedda janca
manteni la palora:
Burbuni nesci fora
e nun cci trasi cchiù,
nun trasi cchiù,
nun trasi cchiù.

La palummedda janca
si voli maritari.
La palummedda janca
si voli maritari.
Ma prima s'ha a cunzari
lu nidu a vogghia so',
a vogghia so',
a vogghia so'.

Cci ha a fari lu cuntrattu,
prima lu parramentu.
Cci ha a fari lu cuntrattu,
prima lu parramentu.
Lu sposu, s'è cuntentu,
veniri allura po',
allura po',
allura po'.

Piu Nonu binidici
la Bedda ca zzitìa.
Piu Nonu binidici
la Bedda ca zzitìa.
Fora la tirannia,
viva la libertà,
la libertà,
la libertà.

Fora la tirannia!
Viva la libertà!
La libertà!
La libertà!



Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org