Roman de Rou, vv. 845-932 [N'aveit encor gueres regne]
WaceLanguage: French, Old (842-ca.1400) (Normand)
N'aveit encor gueres regne
Ne guaires n'aveit duc este
Quant el pais surst une guerre
Ki dut grant mal faire en la terre.
Li paisant et li vilain,
Cil del boschage e cil del plain,
Ne sai par cui entichement
Ne ki les mut premierement,
Par vinz, par trentaines, par cenz
Unt tenu plusurs parlemenz.
Tel parole vunt conseilant,
S'il la poent metre en avant
Que il la puissent a chief traire,
Ki as pluz hauz fera cuntraire.
Priveement ont purparle
E plusurs l'unt entr'eals jure
Que ja mais par lur volunte
N'aurunt seinur ne avoe.
Seignurs ni lur funt si mal nun,
Ne puet aveir a els fuisun
Ne lur guainz ne lur laburs;
Chascun jur vunt a granz dulurs.
En peine sunt e en hahan.
Antan fu mal e pis awan.
Tote jur sunt lur bestes prises
Pur aies e pur servisces.
Tant i a plaintes e quereles
E custummez viez e nuveles
Ne poent une hure aveir pais.
Tute jur sunt sumuns as plais:
Plaiz de forez, plaiz de moneies,
Plaiz de purprises, plaiz de veies,
Plaiz de bies faire, plaiz de moutes,
Plaiz de defaites, plaiz de toutes;
Plaiz d'aguaiz, plaiz de graveries,
Plaiz de medlees, plaiz d'aies.
Tant i a prevoz e bedeaus
E tanz bailiz, vielz e nuvels,
Ne poent aveir pas une hure:
Tantes choses lur mettent sure
Dunt ne se poent derainier!
Chascun vult aveir sun luier.
A force funt lur aveir prendre:
Tenir ne s'osent ne defendre.
Ne poent mie issi guarir:
Terre lur estuvra guerpir.
Ne puent aveir nul guarant
Ne vers seignur ne vers serjant;
Ne lur tienent nul cuvenant.
Fiz a putain, dient auquant,
Pur quei nus laissum damagier?
Metum nus fors de lur dangier!
Nus sumes humes cum il sunt,
Tels menbres avum cum il unt
E autresi granz cors avum
Et autretan suffrir poüm.
Ne nus faut fors cuers sulement.
Alium nus par serement;
Nus aveirs e nus defendum
E tuit ensemble nus tenum.
E s'il nus velent guerrier
Bien avum cuntre un chevalier
Trente u quarante paisanz
Maniables e cumbatanz.
Malveiz serunt e vil li trente.
Bacheler de bele juvente,
Ki d'un ne se porrunt defendre,
S'il se vuelent ensemble prendre.
As maçues e as granz peus,
As sajetes e as tineus,
As haches, as arcs, as gisarmes,
E as pieres ki n'aura armes.
Od la grant gent ke nus avum,
Des chevalers nus defendum!
Ensi porum aler el bois,
Arbres trenchier e prendre a chois.
Es vivers prendre les peissuns
E es forez les veneisuns;
De tut ferum nos voluntez,
Del bois, des eves e des prez.
Par tels diz e par tels paroles
E par autres encor plus foles,
Unt tuit cel cunseil graante
E sunt entreseremente
Ke tuit ensemble se tendrunt
Et ensemble se defendrunt.
Eslit unt ne sai quels ne quanz
Des plus quintes, dels mielz parlanz,
Ki par tut le pais irunt
E les seremenz recevrunt.
Ne pot estre lunges celee
Parole a tante gent portee.
Fust par hume, fust par serjant,
Fust par femme, fust par enfant,
Fust par ivresce, fust par ire,
Assez tost oi Richard dire
Ke vilein cumune fasaient
E ses dreitures li toldreient
A lui e a autres seinurs
Ki vilains unt e vavasurs.
Pur Raül sun uncle enveia.
Ceste busuine li mustra.
Quens iert d'Evreues mult vaillanz,
De plusurs choses bien aidanz.
Sire, dit il, en peis seez:
Vos paisanz a mei lessez;
Ja mar en moverez vos piez.
Mais vos mainees m'enveiez;
Enveiez moi vos chevaliers.
E Richiard li dist: Volontiers.
Dunc enveia en plusurs lieus
Ses espies e ses curlieus;
Tant ala Raol espiant
E par espies enquerant,
Que par malades, ke par seinz,
K'il ateinst e prist les vileins
Qui justoent les parlemenz
E perneient les seremenz.
Raül fu mult de mal talent,
Nes vout mener a jugement:
Tuz les fit tristes e dolenz.
A plusurs fist traire les denz,
Les autres fist especier,
Traire les oils, les puins couper,
E tels i out les garez cuire;
Ne li chaut gueires qu'en muire.
Les autres fist tut vifs rostir,
Et les autres en plum buillir.
Tuz les a fait si cunreer
Hisdus furent a esgarder;
Ne furent puis en lieu veü
K'il ne fussent bien cuneü.
La cumune remest a tant;
N'en firent puis vilain semblant.
Retrait se sunt tuit e demis
De ceo k'il aveient enpris
Pur la poür de lur amis
K'il virent defaiz e malmis.
E li riche li cumpererent
Mais par lur burse s'aquiterent:
Ne lur laissa l'un rien a prendre
De tant cum l'um les pout raendre:
Tels plaiz firent vers lur seinurs
Cum il porent faire meilurs.
Ne guaires n'aveit duc este
Quant el pais surst une guerre
Ki dut grant mal faire en la terre.
Li paisant et li vilain,
Cil del boschage e cil del plain,
Ne sai par cui entichement
Ne ki les mut premierement,
Par vinz, par trentaines, par cenz
Unt tenu plusurs parlemenz.
Tel parole vunt conseilant,
S'il la poent metre en avant
Que il la puissent a chief traire,
Ki as pluz hauz fera cuntraire.
Priveement ont purparle
E plusurs l'unt entr'eals jure
Que ja mais par lur volunte
N'aurunt seinur ne avoe.
Seignurs ni lur funt si mal nun,
Ne puet aveir a els fuisun
Ne lur guainz ne lur laburs;
Chascun jur vunt a granz dulurs.
En peine sunt e en hahan.
Antan fu mal e pis awan.
Tote jur sunt lur bestes prises
Pur aies e pur servisces.
Tant i a plaintes e quereles
E custummez viez e nuveles
Ne poent une hure aveir pais.
Tute jur sunt sumuns as plais:
Plaiz de forez, plaiz de moneies,
Plaiz de purprises, plaiz de veies,
Plaiz de bies faire, plaiz de moutes,
Plaiz de defaites, plaiz de toutes;
Plaiz d'aguaiz, plaiz de graveries,
Plaiz de medlees, plaiz d'aies.
Tant i a prevoz e bedeaus
E tanz bailiz, vielz e nuvels,
Ne poent aveir pas une hure:
Tantes choses lur mettent sure
Dunt ne se poent derainier!
Chascun vult aveir sun luier.
A force funt lur aveir prendre:
Tenir ne s'osent ne defendre.
Ne poent mie issi guarir:
Terre lur estuvra guerpir.
Ne puent aveir nul guarant
Ne vers seignur ne vers serjant;
Ne lur tienent nul cuvenant.
Fiz a putain, dient auquant,
Pur quei nus laissum damagier?
Metum nus fors de lur dangier!
Nus sumes humes cum il sunt,
Tels menbres avum cum il unt
E autresi granz cors avum
Et autretan suffrir poüm.
Ne nus faut fors cuers sulement.
Alium nus par serement;
Nus aveirs e nus defendum
E tuit ensemble nus tenum.
E s'il nus velent guerrier
Bien avum cuntre un chevalier
Trente u quarante paisanz
Maniables e cumbatanz.
Malveiz serunt e vil li trente.
Bacheler de bele juvente,
Ki d'un ne se porrunt defendre,
S'il se vuelent ensemble prendre.
As maçues e as granz peus,
As sajetes e as tineus,
As haches, as arcs, as gisarmes,
E as pieres ki n'aura armes.
Od la grant gent ke nus avum,
Des chevalers nus defendum!
Ensi porum aler el bois,
Arbres trenchier e prendre a chois.
Es vivers prendre les peissuns
E es forez les veneisuns;
De tut ferum nos voluntez,
Del bois, des eves e des prez.
Par tels diz e par tels paroles
E par autres encor plus foles,
Unt tuit cel cunseil graante
E sunt entreseremente
Ke tuit ensemble se tendrunt
Et ensemble se defendrunt.
Eslit unt ne sai quels ne quanz
Des plus quintes, dels mielz parlanz,
Ki par tut le pais irunt
E les seremenz recevrunt.
Ne pot estre lunges celee
Parole a tante gent portee.
Fust par hume, fust par serjant,
Fust par femme, fust par enfant,
Fust par ivresce, fust par ire,
Assez tost oi Richard dire
Ke vilein cumune fasaient
E ses dreitures li toldreient
A lui e a autres seinurs
Ki vilains unt e vavasurs.
Pur Raül sun uncle enveia.
Ceste busuine li mustra.
Quens iert d'Evreues mult vaillanz,
De plusurs choses bien aidanz.
Sire, dit il, en peis seez:
Vos paisanz a mei lessez;
Ja mar en moverez vos piez.
Mais vos mainees m'enveiez;
Enveiez moi vos chevaliers.
E Richiard li dist: Volontiers.
Dunc enveia en plusurs lieus
Ses espies e ses curlieus;
Tant ala Raol espiant
E par espies enquerant,
Que par malades, ke par seinz,
K'il ateinst e prist les vileins
Qui justoent les parlemenz
E perneient les seremenz.
Raül fu mult de mal talent,
Nes vout mener a jugement:
Tuz les fit tristes e dolenz.
A plusurs fist traire les denz,
Les autres fist especier,
Traire les oils, les puins couper,
E tels i out les garez cuire;
Ne li chaut gueires qu'en muire.
Les autres fist tut vifs rostir,
Et les autres en plum buillir.
Tuz les a fait si cunreer
Hisdus furent a esgarder;
Ne furent puis en lieu veü
K'il ne fussent bien cuneü.
La cumune remest a tant;
N'en firent puis vilain semblant.
Retrait se sunt tuit e demis
De ceo k'il aveient enpris
Pur la poür de lur amis
K'il virent defaiz e malmis.
E li riche li cumpererent
Mais par lur burse s'aquiterent:
Ne lur laissa l'un rien a prendre
De tant cum l'um les pout raendre:
Tels plaiz firent vers lur seinurs
Cum il porent faire meilurs.
×
![]()
Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.
