Lingua   

Di u populu

Canta u Populu Corsu
Lingua: Corso


Canta u Populu Corsu


Sentu batta i rimori
D’un’ arietta vagabonda,
Chì galoppa è adonda
D’aligria u me cori,
Vuchendu nantu à l’onda
Di riacquisti valori.

Di un versu naturali
Sentu voci muntagnoli,
Innorà più chè lu soli
A bandera naziunali,
È purghjendu à chì voli
A mimoria di Natali.

Sentu a forza tamanta
Di un stintu mai domu,
Nantu à a strada di l’omu
Dapò l’annati sittanta,
Chì sempri porta lu nomu
Di u populu chì canta.

Sentu l’estru è a fedi
D’anfarti è paghjellaghji,
Intriccià middi viaghji
Versu l’andati ribeddi,
Da tramandà i missaghji
Di l’eterni sintineddi.

Dopu à quaranta brani
Sentu l’ardenti prigheri,
D’ùn veda piantà i sfieri
Di quissi sunnii arcani,
Ma essa i cumpagneri
D’eri oghji è dumani.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org