Lingua   

Maliritta carni

Cesare Basile
Lingua: Siciliano



Vènunu 'i jurnatàri
s'agghjùttunu la fami
e 'mprìnunu la morti,
vènunu 'i jurnatàri
di 'đđa banna 'ô mari

Scaljàtici 'i sacchètti
s'avìssinu arrubbàri
'i scorci dî patrùna
vènunu 'i jurnatàri
'i 'đđa banna 'ô mari

Ah, malirìtta 'a carni
ca coci sutta 'u suli
malirìtta carni..

Ô funnu dî tabúti
cu l'ossa schitti e 'i manu
a l'àrvulu 'nchiuvàti
préjunu 'i jurnatàri
di passari 'u mari

Scaljàtici 'i sacchètti
s'avìssinu arrubbàri
'i scorci di dumani
vènunu 'i jurnatàri
di 'đđa banna ô mari

Ah, malirìtta 'a carni
ca nun pò fari vuci
malirìtta 'a carni,
malirìtta 'a carni...


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org