Lingua   

Ti sa miga

Alberto D'Amico
Lingua: Italiano (Veneto Veneziano)



Ti sa miga
cossa xe Marghera:‎
xe quel logo
dove el mar ghe gera
tanto tempo fa
pensa: xe cascà
un pianeta in mar
tuto infogà.‎
Pensa: l'aria
la xe quasi morta,‎
tuto el cielo
brusa come carta,‎
fiame vien e va
alte sora el mar
no se pol vardar
el fogo pol ciecar.‎

Case vecie
a Campalto e in Bàia
ghe n'è tante
piene da maràia
anca quele par
le se brusarà
le deventarà
case nove da fitàr.‎

Tuto brusa
no capisso come
i pensieri
me deventa fiame
foghi vien e va
no vorìa pensar
ma i va su i vien xo
come el Redentor.‎

Ti sa miga
i copi che se lava
mi vorìa
che venisse la piova
‎«piova piova vien‎
che te vogio ben
che te vogio mal
piova va in canal».‎


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org