Tot aissi soi desconsellatz
Con l'aucels qu'a son par perdut
Non trop qui-m valha ni m'aiut,
Per ren mas car non soi sobratz,
Que pogues dar cuminalmén,
Adoncx sai que-m valgron parén,
Qu'es vers lo proverbis a dir:
Qui ren non a, an mortz dormir.
Que s'a caval qu'es trop carguatz,
Truop c'om a verguonha mergut.
Que ses tota temens' agut
Fan ades lur grans malvestatz.
L'uns o tol e l'autre o pren,
L'autre s'esdis, l'autre-s consen,
L'autr'estrai de la gent l'arbir,
L'autr'embla-l, l'autre-l va aunir.
Ges no-s repren qui tol asatz,
Ni a con si pensier tengut
De l'autre cassar esperdut,
Que-l fassa perden e sos tratz
Lo sieu et assi-l tire ben
Tot son aver e son renden.
No-s deu prezar mal far ni dir,
Ni mal pensar, a mon albir.
Assas es pel mont granz plentatz
De rix manjars, de tot condut
Claras aiguas s'an corregut,
De blatz e de vins s'a viutatz
Mas d'amor a gran faillimen
E de fatz d'onor, veramen,
Ez homps paures ven en azir
E decassatz, si ver vol dir.
Pero per tot sera cochatz,
Mas a manentz valon ben tut
E-ls servon defor ses descut,
Sol que-ls veian ben assezatz
E-l paures non a ges de sen
Contra-l fals fol, lo ric manen
E-l malvaz rix sab mais trazir
Que l'inossens Moyzem dir.
Pron er marritz, si no-s repren,
Qui trais ni aussis per argen
El fuoc d'enfern ira delir
E cremar, no-l valra sospir.
Con l'aucels qu'a son par perdut
Non trop qui-m valha ni m'aiut,
Per ren mas car non soi sobratz,
Que pogues dar cuminalmén,
Adoncx sai que-m valgron parén,
Qu'es vers lo proverbis a dir:
Qui ren non a, an mortz dormir.
Que s'a caval qu'es trop carguatz,
Truop c'om a verguonha mergut.
Que ses tota temens' agut
Fan ades lur grans malvestatz.
L'uns o tol e l'autre o pren,
L'autre s'esdis, l'autre-s consen,
L'autr'estrai de la gent l'arbir,
L'autr'embla-l, l'autre-l va aunir.
Ges no-s repren qui tol asatz,
Ni a con si pensier tengut
De l'autre cassar esperdut,
Que-l fassa perden e sos tratz
Lo sieu et assi-l tire ben
Tot son aver e son renden.
No-s deu prezar mal far ni dir,
Ni mal pensar, a mon albir.
Assas es pel mont granz plentatz
De rix manjars, de tot condut
Claras aiguas s'an corregut,
De blatz e de vins s'a viutatz
Mas d'amor a gran faillimen
E de fatz d'onor, veramen,
Ez homps paures ven en azir
E decassatz, si ver vol dir.
Pero per tot sera cochatz,
Mas a manentz valon ben tut
E-ls servon defor ses descut,
Sol que-ls veian ben assezatz
E-l paures non a ges de sen
Contra-l fals fol, lo ric manen
E-l malvaz rix sab mais trazir
Que l'inossens Moyzem dir.
Pron er marritz, si no-s repren,
Qui trais ni aussis per argen
El fuoc d'enfern ira delir
E cremar, no-l valra sospir.
×
![]()
Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.
