Pels clercs es apellatz herege qui ne jura
Segon la lor razon d'engan e de faussura;
E tenen per nien la sainta escriptura,
Qu'a tota hora menten laidament sens mesura
E volen qu'om los trob figlos plens de dreitura.
Lor avers es tant grantz que ne-l podent escondre,
Mas nuls ne lor demand, que n'i degnent respondre
E fugent alcun si ne-l podent raire ho tóndre,
Peri no se vei qui les honisc'e deshóndre
Et om les soste quant les deuría confóndre.
Ieu ja non auzirai quella faussa clergía
Que non onren ne Deu ne la vergen María
Et en ditz et en fatz son pejor cascun día!
Et aquel que les crey ne que en lor se fía
Troba-ls voidz de merce e sensa cortesía.
Il son plen de folor e d'orguelh e d'ufana
Aquest mestre pastor de la gleisa romana.
Il son faus e truand vers la gent crestiana.
Qui reignet entre lor a volontat trafana
E mostran mal labor set jorns de la semmana.
Tau mal labor fan tuit en ditz et en parvensa,
Aquil gasta-conduitz, figlo de descrezensa,
De qui leutatz s'enfuy e vera penitensa:
En lor troben reduit tuit mal e mantenensa,
E tuit ben son destruit en lor obediensa.
Segon la lor razon d'engan e de faussura;
E tenen per nien la sainta escriptura,
Qu'a tota hora menten laidament sens mesura
E volen qu'om los trob figlos plens de dreitura.
Lor avers es tant grantz que ne-l podent escondre,
Mas nuls ne lor demand, que n'i degnent respondre
E fugent alcun si ne-l podent raire ho tóndre,
Peri no se vei qui les honisc'e deshóndre
Et om les soste quant les deuría confóndre.
Ieu ja non auzirai quella faussa clergía
Que non onren ne Deu ne la vergen María
Et en ditz et en fatz son pejor cascun día!
Et aquel que les crey ne que en lor se fía
Troba-ls voidz de merce e sensa cortesía.
Il son plen de folor e d'orguelh e d'ufana
Aquest mestre pastor de la gleisa romana.
Il son faus e truand vers la gent crestiana.
Qui reignet entre lor a volontat trafana
E mostran mal labor set jorns de la semmana.
Tau mal labor fan tuit en ditz et en parvensa,
Aquil gasta-conduitz, figlo de descrezensa,
De qui leutatz s'enfuy e vera penitensa:
En lor troben reduit tuit mal e mantenensa,
E tuit ben son destruit en lor obediensa.
×
![]()
