Language   

I lament di tosann tutt disperaa perché gh'è i giuven che va a soldaa

Nanni Svampa
Language: Italian (Lombardo)


Nanni Svampa


O pover tosann che secol sii rivàa
che vegnii tanto a bon mercàa
tutt a soldà vann omen e pivej
vegní al prezzi di solfanej
e la mamma la se stuffa
ai tosann ghe vègn su la muffa
gh'avii di goeubb, di nan e di stropiàa
e i pussée bej vann tucc a soldàa

La piang adèss la Tira-cazzòtt
che l'è andàa via el sò merlòtt
el contingent l'è andàa a l'armada
lée la voreva trass giò in strada
ma a trass giò in strada la se fa mal
l'è andada a beven on boccal
de la passion del sò tulipan
l'ha mangiàa dú chili e mezz de pan.

La piang fort la Pissa-in-lètt
perchè gh'è andàa via el sò Richètt
pover tosann a cunt di sti guaj
vegnii al prezzi giust de l'aj
a cunt de la guerra la sciora Ruminga
la vègn al prezzi de se sa minga
donca tosann se pur avii intes
sii al prezzi che costa i scires.

El cervellée per nòmm Clement
l'han ciamaa sú in contingent
e per morosa el gh'aveva ona madamin
che ghe dava el salamin
adèss la piang sta povera madamm
la gh'ha domà el pan senza el salamm
e la spera la sciora Carucò
che quel di salamm el torna ancamò.

Pover tosànn a cunt de la guerra
sii tucc al prezzi di pomm de terra
e se, va innanz sta marmagna
vosen tucc tríi sold la cavagna
e coi vècc senza discor
o tosann avii de fa l'amór
l'ultim prezzi a divel ciar nètt
o tosann l'è quel d'on brichètt.



Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org