Lingua   

Surdate

Libero Bovio
Lingua: Napoletano


Libero Bovio


'O tenente mm'ha 'ncucciàto
cu ll'uocchie 'e chianto e cu 'a chitarra 'mmano,
e mm' ha ditto accussì: «Napulitano,
ccà nun hê 'a fá 'o tenóre, hê 'a fá 'o surdàte!»

Ll'aggio ditto accussì: «Signor tenente,
mannàteme 'm prigione, nun fa niente!
Pienzo a 'o paese mio ca sta luntano,
e so' napulitano, e si nun canto i' moro!»

'O tenente ha suspirato:
«Napule è bella assaje, Napule è bella!
Napulita', pur' io so' 'nnammurato,
càntala zittu zittu 'a canzuncella.»

Ll'aggiu ditto accussí: «Signor tenente,
cantàte pure vuje, ca nun fa niente!
Penzo a 'o paese mio ca sta luntano,
e so' napulitano, e si nun canto i' moro!»

Trase e luce, 'a luna d'oro,
pe' fa' lucente e d'oro 'a cammarata.
Tutt' 'e cumpagne mieje dint' 'a nuttata,
chiagnenno 'nziem'a me, cantano a coro.

E j' ca dico accussì: «Signor tenente,
jammo a ferní in prigione? Nun fa niente!
Chillo, 'o paese nuosto, sta luntano,
e chi è napulitano, o canta, o sonna, o more!»



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org