Lingua   

هون انولدت

DAM / دام‎; / דם‎
Lingua: Arabo



اول اشي لازم نمتلكه هي المبادرة
اسمع افهم استيقظ , بتقدر تناديها محاضرة
احنا بمصارعة اللي من زمان ثبتونا فيها
بنادوها مؤامرة وعدم وعي اللي مخليها
اعرفكم على نفسي انا من بلد اسمها اللد
فيها اللي بيقتل ما بدفع الثمن وفيها اللي بهد
للناس اللي عملوا غلط وبنوا على ارضهم
وكل اللي بيصير بس عشانهم لوحدهم
غير ‘,وقف على موقف اللي يشرف
ودير,العقول وابدا فهم
انه القوة بالمجمع ولا ولا مرة بالمفرد
وعادة اذا فكرنا هيك احنا بمفرد
عن الكل والغلط انه فكرنا بالكل
بس هادا الغلط لانه صح ولازم يدوم
ولما قلنا ايد بايد مكنش قصدنا اصبع
ولتوخد لازم تطلب والقوة بالمجمع


اللازمة :

مع انه حارتنا خجولة مش
لابسة حرير (اذاالخوف ضل فينا ساكن )
عروس بلا طرحة, مستنية
دورها للتجميل (التهجيرعلى بوابنا قادم)
الزمن سبقها , نسيها . املها
(عشان هيك) للتفريق صار اسير
كل طير راح يكسر قفصه, اخرته
يحلق ويطير (انا هون انولدت وهون راح اضل ساكن)

عنا الهدم بيوت زي الهمس تكون
كلما نضل بسكوت بدان الشعب بتفوت
بس لو تصرخ لا ,تغرقها في بحر الحق ,اسمع
بقدر افهم كل العيون اللي من حزن , تدمع
بس ما بفهم اللي ما يمسح عيونه
تايه يسال على اليابسه وهو قاعد يجدف بدموعه
ايش بيصير هينا ؟ مال الكل يطلع علينا ؟
يمكن عشان احنا اللي فاتحين اجرينا ?
يا زلمة المرة هاديك بمظاهرة ضد هدم بيوت
كان فيها 100 واحد , 90 منهم يهود
اذا اليوم بتوقف تطلع كيف قاعدين بهجروا جارك
بكرة يقربوا عدارك , جارك زيك يوقف يتطلع مكانك
السلسلة طويلة بس الها اخرة السقوط للقدرة
العاجزة شايفة , عارفة بس خايفة
اذا الرعب فينا ساكن اطفالنا تبطل ساكنة
وايش بنقول للحلقة الاضعف ؟؟ مع السلامة

اللازمة :

مع انه حارتنا خجولة مش
لابسة حرير (اذاالخوف ضل فينا ساكن )
عروس بلا طرحة, مستنية
دورها للتجميل (التهجيرعلى بوابنا قادم)
الزمن سبقها , نسيها . املها
(عشان هيك) للتفريق صار اسير
كل طير راح يكسر قفصه, اخرته
يحلق ويطير (انا هون انولدت وهون راح اضل ساكن)

عينينا تشوف اطفالنا تدور على
مستقبل اللي حدوده تكون السما
شعار اللي من غبار الهدم انمحى
بس ...... لسا النور ما طفى

حياتنا بيت مي للصهيونية
اللي تنزل فينا وسخها واحنا عمالنا
ننظلم و ولا حدا
بفتح المي ولا حتى احنا
والوسخ بيكتر , اكتر واكتر
وبأي لحظه برجع من وين ما أجى
بس كلما يقرب , على الافا
الفاعل بصير مفعول فيه وبس
ينظف القريب عليه
بتأمل انه مرة كله يفور برة
تشدبدا على كلمة كله
وهيك الكل بيوقف ع اجريه
وهيك احنا بنوقف الجدار
وهيك احنا بنوقف القطار
وسكةالحديد بتصير بعيدة عن الدار
وبردو منوقف
بيوت مهدومة عائلات مشردات

مع انه حارتنا خجولة مش
لابسة حرير (اذاالخوف ضل فينا ساكن )
عروس بلا طرحة, مستنية
دورها للتجميل (التهجيرعلى بوابنا قادم)
الزمن سبقها , نسيها . املها
(عشان هيك) للتفريق صار اسير
كل طير راح يكسر قفصه, اخرته
يحلق ويطير (انا هون انولدت وهون راح اضل ساكن)


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org