Lingua   

A Casalduni e Pontelandolfo

Enzo Morzillo
Lingua: Italiano



Era la festa dellu patrono
purtavano o santo in prucessione
viecchi e criaturi alluccavano o nomme
femmene scauze pe voto a maronna

na vota all'anno sta celebrazione
e tutta la gente pe devuzione
se porta a spasso pe tutto o paese
alla faccia do populo piemuntese

a Casalduni e Pontelandolfo
campane a festa e botte di zolfo
allucca lu cristo da n'gopp'alla croce
po' sanghe che scorre se sentja la voce

se sceta a matina stu bellu paese
se trova e surdati piemuntesi
che torce abbruciavano tutte le case
curtielli affilati e genta sterminata

fucili puntati e cape tagliate
femmene accise po' viulentate
criaturi schiacciati e viecchi scannati
pe tutto o paese li piemuntesi

a Casalduni e Pontelandolfo
campane a festa e botte di zolfo
allucca lu cristo da n'gopp'alla croce
po' sanghe che scorre se sentja la voce

e quanno a nutizia arrivaje alli briganti
scennetteno subbeto a n'gopp'a muntagna
e corza fujevano abbascio alla scesa
se ne era fujuto lu piemuntese

cu e man'indo sanghe e cu o core spezzato
vendetta pa' vita io l'aggio giurato
ca fino alla morte io t'aggia scuvare
curtiello alla gola io t'aggia scannare

a Casalduni e Pontelandolfo
campane a festa e botte di zolfo
allucca lu cristo da n'gopp'alla croce
po' sanghe che scorre se sentja la voce


Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org