Lingua   

L'Astego

Stefano Maria Ricatti
Lingua: Italiano (Veneto)




So 'ndà a dodes'ani so 'ndà
la prima volta a l'Astego so 'ndà
in un paradiso ciamà
"la casa brusà"
el xe diventà la me istà
se 'ndava da puareti in do par bicicleta
la xera na suada ma na volta rivà xerimo pascià

l'aqua a xera freda ma che aqua
le piane d'un verde ma che verde
me pareva de xugar
nea foresta de Tarsan
se podea sognarghe na vita
se podea noarghe se podea pescarghe se podea
quasi beverla che l'aqua là così giasà

me son portà anca la tosa me son portà
ghe xera mile angoli apartà
e na volta cava xo
el coraio vegnea da solo
e se se ritrovava indormensà
e po se se sveiava col canto dei usei
col sole ormai calà lasava l'acqua inargentà

a son tornà a l'Astego si tornà
e so restà de boto sofegà
quando ca go visto
vegner xo dala vale
un mostro tuto xalo a bole maron
e i sasi tacà a la riva tuti incatramà
ma xe vegnù el gropo me son sentio parfin invecià

e parfin le piante tute sfrondà
giuro le pare disperà
pare che le diga porteme via de qua
porteme int'un buso do' che le fabriche ne ase scampar.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org