Lingua   

Guvernu 'talianu

anonimo
Lingua: Siciliano




Guvernu 'talianu si veru buttanu
ci suchi lu sangu a lu pover'omu
Li tassi chi metti su' cosi trimenti
chi fannu trimari li spaddi a li denti
C'è tassa pi tuttu: Manciari e vivìri,
vigghiari e durmiri, campari e muriri
C'è sulu du' cosi nâ chistu mumentu
chi 'un sunnu suggetti a lu tassamentu...

Guvernu 'talianu ti riŋràziu
ca pi pisciari nun si paga 'u daziu
e chi pi fàrisi 'na ca-ca-ca ...cantàta
nun c'è bisognu di carta bullata.

Cu l'occhi chini e la panza vacanti
'na manu darrèri, e l'autra davanti
Chî peri scàusi, e li causi strazzàti
jemu furriannu pi sti strati strati
Semu arriddùtti comu l'armi santi
nudi allu 'nfernu, 'nta lu focu ardenti
e c'è di luntanu cu nni fa la cucca
ca tutti li cosi si cogghi e s'ammucca

Guvernu 'talianu ti riŋràziu
ca pi pisciari nun si paga 'u daziu
e chi pi fàrisi 'na ca-ca-ca ...cantàta
nun c'è bisognu di carta bullata.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org