Lingua   

Piazza di la Loggia

Pino Veneziano
Lingua: Siciliano


Pino Veneziano


Nn’hannu murutu tanti
senza sapiri comu
mettici ‘st’àutri sei
vidi ca sunnu assai.

Ccu dda jiurnata grigia
si ‘ntisiru li botti
si ‘ntisiru li vuci
si vittiru li morti.

Chiancemuli ‘sti morti!
Chiancemuli chiù forti!
Chi persiru la vita
contru li cosi storti.

In Piazza di la Loggia,
mentri chiuvia forti,
circavanu la paci,
ci truvaru la morti.

D’accordu sunnu iddi
fascisti e patruna
ca ammazzanu a l’urvina
onesti e puvireddi.

L’am’ a fari finiri
a ‘sti porci assassini
c’ ammazzanu cristiani
cumu li puddicini.

Gran figghi di buttana,
figghi di matri troja,
fascisti e patruna
v’aspettanu li boia.



Pagina principale CCG

Segnalate eventuali errori nei testi o nei commenti a antiwarsongs@gmail.com




hosted by inventati.org