Language   

O cuntadinu sutta lu zappuni

Rosa Balistreri
Language: Sicilian


Rosa Balistreri


O cuntadinu sutta lu zappuni,
passi la vita stanca e assàj mischina,
Quanti latri ci su', quanti patruna
misi a cavaddu ri la to carina..

O prizzu 'i sti peni e omilazioni
trisori a cui ti scarna e ti ruvina..
E tu sinceru vai ddà, ma nun t'adduni
ca abbruci notti e jornu a la catina.

Tu cu la zappa, tu, cu amari stenti
duni a prìncipi, duca e 'mperaturi
pani, ricchizzi, spassi e 'nvistimenti,
susteni un munnu cu li to lavuri

Si nun travàgli tu, lu munnu è nenti!
Lu munnu vivi cu li to lavuri
Si nun travagli tu – lu munnu è nenti
Lu munnu vivi cu li to suduri.



Main Page

Please report any error in lyrics or commentaries to antiwarsongs@gmail.com

Note for non-Italian users: Sorry, though the interface of this website is translated into English, most commentaries and biographies are in Italian and/or in other languages like French, German, Spanish, Russian etc.




hosted by inventati.org